Shymkentte sheteldikterdi zańsyz eńbekke tartqan 15 azamat anyqtaldy
Shymkent qalasy aýmaǵynda halyqaralyq “Naemnık” jedel profılaktıkalyq is-sharasy ótip jatyr. Ál-Farabı aýdandyq polıtsııa basqarmasy tártip saqshylary jaldamaly páterlerdi, qurylys alańdaryn, bazarlar men fermerlik sharýa qojalyqtaryn jáne sheteldikter júrýi múmkin basqa da oryndardy kúsheıtilgen rejımde tekserýde, dep habarlaıdy QazAqparat Otyrar.kz-ke silteme jasap.
Mamandardyń aıtýynsha, mundaǵy basty maqsat – zańsyz kóshi-qon jaıttarynyń aldyn alý, onyń jolyn kesý, quqyqtyq tártipti nyǵaıtý jáne qylmys sanyn azaıtý.
"Jedel-profılaktıkalyq sharanyń 9 kúninde Qazaqstan Respýblıkasynyń kóshi-qon zańnamasyn buzǵany úshin 69 shetel azamatyna ÁQBtK-niń 517-baby boıynsha hattama toltyryldy", - dep jazdy basqarmadan.
Sondaı-aq, sheteldikterdi zańsyz eńbekke tartqany úshin 15 jumys berýshi ákimshilik kodekstiń 519-babymen jaýapqa tartyldy.
Aıta keteıik, halyqaralyq “Naemnık” jedel profılaktıkalyq is-sharasy 11-30 qyrkúıek aralyǵynda jalǵasyn tabady.
