Álem chempıonaty: Erkin kúresten Qazaqstan medaldar kestesinde úshtikke ilikti

Erkin kúresten álem chempıonatynda Qazaqstan quramasy bir altyn, bir qolamen medaldar kestesinde úshinshi orynǵa kóterildi, dep habarlaıdy QazAqparat tilshisi.

Dúbirli doda Serbııa astanasy Belgrad qalasynda ótip jatyr. Qazirge deıin el quramasy erkin kúresten bir altyn, bir qola medal aldy.
El quramasynan Rızabek Aıtmuqan (92 keli) chempıondyq tuǵyrǵa kóterildi.

Al Azamat Dáýletbekov (86 keli) qola júldeger atandy.

Qazirge deıin álem chempıonatynda 15 eldiń ókilderi erkin kúresten júldege qol jetkizdi. Olardyń arasynda AQSh 6 (3 altyn, 1 kúmis, 2 qola) júldemen kósh bastap tursa, ırandyqtar 4 (1-2-1) ekinshi orynǵa jaıǵasqan. Úzdik úshtikti 2 (1-0-1) medalmen Qazaqstan men Serbııa túıindep tur.

Medaldar kestesiniń jalpy kórsetkishi tómendegishe:
1. AQSh - 6 (3-1-2)
2. Iran - 4 (1-2-1)
3. Qazaqstan - 2 (1-0-1)
3. Serbııa - 2 (1-0-1)
5. Grýzııa - 3 (0-2-1)
6. Japonııa -2 (0-1-1)
7. Ázerbaıjan -1 (0-1-0)
8. Armenııa - 2 (0-0-2)
8. Túrkııa - 2 (0-0-2)
10. Albanııa - 1 (0-0-1)
10. Bolgarııa - 1 (0-0-1)
10. Qyrǵyzstan - 1 (0-0-1)
10. San-Marıno - 1 (0-0-1)
10. Ýkraına - 1 (0-0-1)