Óziniń qos birdeı balasyn satqan 23 jastaǵy jetisýlyq ustaldy

Jetisý oblysynyń turǵyny deldal arqyly óziniń 2022 jáne 2023 jyldary týǵan eki búldirshinin satyp jibergen. Bul týraly Іshki ister mınıstrliginde ótken brıfıngide vedomstvonyń ókili Shuǵyla Turlybek aıtty, dep habarlaıdy QazAqparat tilshisi.

"Birinshi fakt 2022 jyldyń qazan aıynda, al ekinshi fakt 2023 jyldyń tamyz aıynda bolǵan. Eki jaǵdaıda da mámile somasy - 1 mln teńgeni quraǵan», - dedi ІІM ókili Shuǵyla Turlybek.

Atalǵan fakt negizinde Qylmystyq kodekstiń 135-baby boıynsha (Kámeletke tolmaǵandar saýdasy) is qozǵaldy.

Buǵan qosa baspasóz máslıhaty barysynda Túrkistan oblysynda Ózbekstan azamatyn 5 jyldan asa quldyqta ustaǵan qojalyq basshylary anyqtalǵany aıtyldy.