Zyrıandy Altaı dep ataý ekonomıkalyq turǵydan da tıimdi - Danıal Ahmetov

ÓSKEMEN. QazAqparat - Shyǵys Qazaqstan oblysynyń ákimi Danıal Ahmetov Zyrıan qalasynda aýdan aktıvimen kezdesip, shahardyń atyn Altaı dep ózgertýge qatysty óz pikirin bildirdi, dep habarlaıdy QazAqparat tilshisi.

Aýdandyq máslıhat depýtattary men qoǵamdyq uıym ókilderiniń qatysýymen ótken kezdesýde Danıal Ahmetov Zyrıan qalasyn Altaı dep ataý oryndy ekenin ári ekonomıkalyq jaǵynan tıimdi bolatynyn qadap aıtty. 

«Aýdan atyn ózgertý ekonomıkalyq turǵydan da tıimdi bolatyny sózsiz. Sebebi, Altaı uǵymy - brendtik ataý. Qalanyń aty ózgergen soń týrıster aǵylatyn bolady. Kelgen týrısterge laıyqty jaǵdaı jasaýymyz qajet. Sol úshin sońǵy 30 jylda jóndeý kórmegen kóshelerińizdi retke keltirip, Óskemenmen eki ortadaǵy joldy jóndep jatyrmyz. Altaı - san túrli halyqtyń shyqqan jeri, túp mekeni. Ony tipti adamzattyń altyn besigi deýge de bolady. Zyrıan jurty menimen keliser dep oılaımyn» -dedi Danıal Ahmetov. 

Jýyrda osy máselege baılanysty qoǵamdyq tyńdaý ótedi.