Zúlfııa Súleımenova «alapat orman órtiniń» kýási boldy
ShQO Tótenshe jaǵdaılar departamenti baspasóz qyzmetiniń málimetine súıensek, aýqymdy oqý-jattyǵý Glýbokoe aýdany Cheremshanka aýylynda ótti. Іs-sharaǵa Ekologııa jáne tabıǵı resýrstar mınıstri Zúlfııa Súleımenova qatysyp, tabıǵı sıpattaǵy tótenshe jaǵdaıǵa azamattyq qorǵaý qyzmetteriniń áreketin baǵalady.
Stsenarıı boıynsha «Cheremshansk» orman sharýashylyǵynda naızaǵaıdan órt shyqty. Ot jyldam tarap, qysqa ýaqytta alapat órtke aınaldy. Oqıǵa ornyna birinshi kelgen ormanshylar barlaý júrgizip, jaqyn mańdaǵy aýylǵa qaýip tónip turǵanyn anyqtady.
Qaýipsizdik maqsatynda jergilikti atqarýshy organdar aýyl turǵyndaryn «Vahta» kólikterine otyrǵyzyp, qaýipsiz jerge kóshirdi.
Al órt sóndirýshiler men QR Ulttyq ulany № 5518 áskerı bóliminiń sarbazdary qyzyl jalyndy aýyzdyqtaýǵa kiristi. «Qazavıaormanqorǵaý» mekemesiniń MI-8 tikushaǵy da tartyldy. Glýbokoe aýdandyq jastar resýrstyq ortalyǵynyń eriktileri órtpen kúresip jatqandarǵa tamaq pen aýyzsý jetkizip turdy. Apattar medıtsınasy ortalyǵynyń dárigerleri zardap shekkenderge alǵashqy kómek kórsetý úshin 2 mobıldi gospıtal ashty.
Birneshe saǵat ishinde jalpy aýdany 150 gektardy quraǵan tilsiz jaý tolyqtaı óshirildi. Oqý-jattyǵýǵa barlyǵy 51 tehnıka jáne 190 adam qatysty.
«Mundaı oqý-jattyǵýlar iri tabıǵı órtter kezindegi is-qımyldardy jetildirý úshin qajet. Jattyǵý TJ, orman sharýashylyqtary jáne jergilikti atqarýshy organdardyń tabıǵı órttermen kúresýge daıyndyǵyn baǵalaýǵa múmkindik beredi. Barlyq jaǵdaı shynaıy ómirdegige barynsha uqsas qylyp isteldi», - deıdi aımaq basshysynyń orynbasary E.Nurbaev.