Zúlfııa Baısaqova saılaý protsesi týraly pikir bildirdi

ALMATY. QazAqparat - «Qazaqstan daǵdarys ortalyqtary» zańdy tulǵalar birlestiginiń basqarma tóraǵasy Zúlfııa Baısaqova eldegi Májilis jáne máslıhat depýtattaryn saılaý joǵary deńgeıde uıymdastyrylǵanyn aıtty, dep habarlaıdy QazAqparat tilshisi.

«Men óz elimniń azamatshasy retinde daýys berýge bardym. Daýys berý protsesi jaqsy uıymdastyrylǵan. Qazaqstan saılaý protsesin uıymdastyrýǵa mashyqtandy. Bıyl bul salaǵa qarajat ońtaılandyrylǵany, partııalyq tizimmen saılaý berip jatqanymyz óte qýantady», - dedi Zúlfııa Baısaqova.

Spıker belgili brıtan saıasatkeri Ýınston Cherchıldiń «Jaman bılikti saılaýǵa barmaıtyn jaqsy adamdar saılaıdy» degen qanatty sózin tilge tıek etti.

Aıta ketý kerek, búgin ıaǵnı, 10 qańtarda QR Parlamenti Májilisi men Máslıhat depýtattaryn saılaý bastaldy.

Almatyda 507 saılaý ýchaskesi tańǵy 07:00-den bastap ashyldy. Daýys berý oryndary «QR Saılaý týraly» zańynyń, Ortalyq saılaý komıssııasynyń talaptaryna saı keledi.

507 ýchaskede 2535 medıtsınalyq qyzmetker: 1014 dáriger, 1521 medbıke jumys isteıtin bolady. Odan bólek keıbir saılaý ýchaskeleriniń janynda Jedel járdem kezekshilik etetin bolady.

Saılaýshylar maskamen kelýge mindetteledi. Eger joq bolsa olarǵa kireberiste maska beriledi. Eger onyń dene qyzýy joǵary bolsa, daýys berýge tyıym salynady.

Daýys berýshi óz ýchaskesin 221-10-01 kýll ortalyǵy arqyly tegin bile alady nemese @sailau_almaty Telegram-bot kómegimen, sondaı-aq «Open Almaty» servıs ortalyǵynda jáne https://service.almaty.kz/ru arqyly bile alady.