Zorlyq-zombylyq qylmysyn jasaǵandar jeke qamaýda bolady - Elbasy
«Іshki ister organdarynyń jumysyna tsıfrlyq tehnologııalardy jappaı engizý qajet. Joldaýda kórsetilgendeı, Qazaqstannyń barlyq qalalary qoǵamdyq qaýipsizdikti monıtorıngileý júıesimen jabdyqtalatyn bolady. Onlaın-rejımde halyqpen keri baılanysty jaqsartýǵa múmkindik beretin servıster engiziledi. Qazirgi zamanaýı tehnologııalar polıtsııa qyzmetiniń barlyq salasyn qamtıdy», - dedi Memleket basshysy ishki ister organdar qyzmetin jańǵyrtý máselelerine arnalǵan keńeste.
Qazaqstan Prezıdentiniń aıtýynsha, tsıfrlandyrý jemqorlyqty qysqartýǵa, sonymen qatar basqarýshylyq býyn men shtat sanyn odan ary ońtaılandyrýǵa septigin tıgizedi. Munan bólek, Memleket basshysy tek qana polıtsııa qyzmetin ǵana emes sonymen birge Іshki ister mınıstrliginiń ózge de qurylymdaryn reformalaý qajettigin atap ótti.
«Mańyzdy ózgerister qylmystyq-atqarý júıesine qatysty bolady. Zorlyq-zombylyq qylmysyn jasaǵan tulǵalar ózge sottalýshylardan bólek ustalýyn qamtamasyz etedi», - dedi Memleket basshysy.
Sondaı-aq, Nursultan Nazarbaev kósheler men basqa da qoǵamdyq oryndardaǵy qylmysty barynsha tómendetý boıynsha sharalar qabyldaýdy tapsyrdy.
«Adamdar óz bolashaqtary úshin alańdamaýy, memleket tarapynan qaýipsizdigi men qorǵanysta ekendigine senimdi bolýlary tıis. Azamattardyń jeke jáne múliktik qaýipsizdigi zor mańyzǵa ıe. Polıtsııa jumysy tıimdiliginiń negizgi krıterııleri osynda jatyr», - dedi Qazaqstan Prezıdenti.
Eske sala ketsek, budan buryn Memleket basshysy polıtsııany reformalaýǵa kidirmesten kirisý qajettigin atap ótken bolatyn.