Zoopark emes: senator kolonııada Bıshimbaevty nelikten kórsetpeı jatqanyn túsindirdi

<p>ASTANA. KAZINFORM &ndash; QR Іshki ister mınıstriniń burynǵy orynbasary jáne jaqynda senator bolǵan Marat Qojaev sottalǵan Qýandyq Bıshimbaevtyń jazasyn óteý tártibine qatysty túsinik berdi.</p>

Búgin Senattyń jalpy otyrysynan keıin tilshiler «Q. Bıshimbaevtyń shynymen de jazasyn ótep jatqany týraly fotosýreti nemese beınematerıaldar nege jarııalanbady?» degen suraq qoıdy.

«Bıshimbaevtyń qaı jerde qamaýda otyrǵany qupııa emes. Bizdegi kolonııalar ártúrli kategorııalarǵa bólingen, ıaǵnı jeńildetilgen, ortasha jáne qaýipsizdik deńgeıi joǵary dep aıqyndalǵan. Ol kisi barynsha joǵary qaýipsizdik talaby qarastyrylǵan Stepnogordaǵy kolonııada óz jazasyn ótep jatyr», - dedi M. Qojaev Senattyń jalpy otyrysynan keıin tilshiler suraǵyna jaýap bere otyryp.

Onyń paıymynsha, Q. Bıshimbaevtyń qamaýda otyrǵan ornyna qatysty dúrbeleńge tilshilerdiń tekserilmegen málimetterdi taratyp jiberýi sebep boldy. Eger sotty bolǵan adam ózin kópshilikke kórsetkisi kelmese, ony eshkim májbúrleı almaıdy.

«Tıisti kolonııada jazasyn ótep jatqany naqtylandy. Sottalǵan adamnyń quqyǵy bar ǵoı? Ol jer zoopark emes. Qylmystyq-atqarý júıesi komıtetiniń ókilderi sol jerde Bıshimbaev otyr dep ekskýrsııa jasaı almaıdy», - dedi senator.

Aıta keteıik, jaqynda áleýmettik jelide Q. Bıshimbaevtyń qaı kolonııada otyrǵany jaıynda málimet anyqtalmaı jatyr degen habarlama boldy.