Zoom-men sabaq ótkizý kezinde jumys siltemesin bótenderge taratpaý kerek - Sholpan Qadyrova
«Ókinishke qaraı, 3 qyrkúıekte Zoom platformasynda ótkizilgen sabaq kezinde bóten adamdar aralasyp, ádepsiz slaıdtar kórsetip, oqytý protsesine kedergi jasaǵan. Muǵalim sabaqqa bóten adamdardyń aralasqanyn baıqap, jedel túrde onlaın sabaqty aıaqtady. Osydan keıin mektep ákimshiligi balalarmen jáne ata-analarmen onlaın keńes ótkizdi. Oqýshylarǵa chattar men platformalarda jumys isteý kezinde etıkany saqtaý, jumys siltemesin bóten adamdarǵa taratpaý qajettigi týraly tárbıe jumysyn júrgizdi. Óz kezeginde biz kún saıyn muǵalimdermen jumys istep, ІT-quzyrettilikterin damytýdamyz», - dedi ol elorda ákimdiginde ótken baspasóz máslıhatynda.
Sonymen qatar basqarma basshysy barlyq mektepterdiń shtattyq rejımge kóshýi týraly sheshimdi QR Densaýlyq saqtaý mınıstrligi, Bas memlekettik sanıtarııa dárigeri shyǵarǵandyǵyn jetkizdi.
«Árıne, sheshim, eń aldymen, eldegi epıdemıologııalyq jaǵdaıǵa baılanysty bolady. Biz óz kezeginde balalardyń úzdiksiz bilim alýyna barlyq jaǵdaıdy jasaımyz», - dedi ol.
Sholpan Qadyrova Bilim basqarmasynyń call-ortalyǵy 1445, 55-68-73, 55-68-83 nómiri boıynsha jumys isteıtigin aıtty.
«1 qyrkúıekten bastap koll ortalyǵyna 1000-ǵa jýyq, al kúnine 100-ge jýyq qońyraý kelip tústi. Munda ata-analar oqý protsesiniń barlyq máseleleri boıynsha tolyq aqparat ala alady», - dedi basqarma basshysy.