Zııatkerlik menshik quqyǵyn buzǵandarǵa jaýapkershilik kúsheımek

<p>ASTANA. KAZINFORM &ndash; Májilistegi jumys toby zııatkerilk menshik quqyǵyn buzǵandarǵa jaýapkershilikti kúshetýge baǵyttalǵan zań jobasyn qaraýdy jalǵastyrady Bul týraly Ortalyq kommýnıkaıtsıalar qyzmetindegi brıfıngte Ádilet vıtse-mınıstri Botagóz Jaqselekova aıtty.</p>

«Parlament Májilisiniń jumys toby zań jobasyn qaraýǵa kiristi. 1 qyrkúıekten bastap biz bul jumysty qaıta qolǵa alamyz. Mazmunyna keler bolsaq, avtorlyq quqyqty qorǵaýǵa qatysty shaǵyn novella óte kóp. Zaǵıp jandardyń quqyǵyn qorǵaýǵa qatysty keıbir qosymsha erekshelikterdi qarastyryp, jaýapkershilikti arttyramyz», - dedi Botagóz Jaqselekova BAQ ókilderiniń saýalyna oraı.

Onyń atap ótýinshe, zııatkerlik menshik quqyǵyn tirkeý merzimin qysqartýdy kózdeıtin de novella bar.

«Máselen, búginde patentterge, ónertabystarǵa, taýar tańbalaryna qatysty jekelegen salalarda tirkeý 7 aı nemese odan da kóp ýaqytty alady. Endi biz muny jedeldetilgen tártippen jasaý úshin zań jobasyna engizip jatyrmyz. Óıtkeni bıznes barynsha qarqyndy damyp keledi jáne bul úderisti sozyp jibermeý úshin osyndaı novellalar kózdelgen», - dedi vıtse-mınıstr.