Zııatkerlik menshik obektileriniń keden tizilimine engizý erejesi jeńildedi

NUR-SULTAN. QazAqparat - Zııatkerlik menshik obektileriniń keden tizilimine engizý erejeleri jeńildedi, dep habarlaıdy QazAqparat Memlekettik kirister komıtetiniń baspasóz qyzmentine silteme jasap.

«Qazaqstan Respýblıkasynyń keıbir zańnamalyq aktilerine kedendik retteý jáne kásipkerlik qyzmet máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń 2021 jylǵy 5 qańtardaǵy № 407-VI QRZ Zańymen (budan ári – Zań) «Qazaqstan Respýblıkasyndaǵy kedendik retteý týraly» kodeksinen 461-baptyń 3-tarmaǵynyń 3) tarmaqshasy alynyp tastaldy.

Buryn quqyq ıelenýshiler zııatkerlik menshigin EAEO keden shekarasy arqyly ótkizý faktisin rastaýy kerek bolatyn. Bul úrdis zııatkerlik menshik obektileriniń kedendik tizilimine (budan ári - ZMOKT) engizý týraly ótinish berý kezinde qarastyrylǵan edi», delingen habarlamada.

Komıtettiń málimdeýinshe, bul norma quqyq ıeleri úshin zııatkerlik menshik obektilerin tizilimge qosý kezinde kedergi bolatyn.

«Atalǵan norma Zııatkerlik menshik obektileriniń kedendik tizilimine qana quqyq buzýshylyqtary anyqtalǵan zııatkerlik menshik obektilerin ǵana qosýǵa múmkindik berdi. Al zııatkerlik menshik obektisiniń ıesi, zııatkerlik menshik obektisin tizilimge qosý nıetimen Qazaqstan naryǵyna alǵash ret kelgende, óziniń zııatkerlik menshik obektilerine quqyǵyn qorǵaýǵa múmkindigi bolmady.

Qazir kedendik tizilimge qosýǵa ótinish bergen kezde quqyq ıelenýshilerdiń Eýrazııalyq ekonomıkalyq odaqtyń keden shekarasy arqyly taýarlardy ótkizý faktisin rastaıtyn qujatty usynýy alynyp tastaldy», delingen habarlamada.

Zań 17 qańtardan bastap kúshine endi.