Zııany tııýi múmkin: vıtse-mınıstr Altaı Aınabektiń jańbyr tehnologııasy týraly pikir bildirdi

<p>ASTANA. KAZINFORM &ndash; Aýyl sharýashylyǵy vıtse-mınıstri Azat Sultanov Úkimet otyrysynan keıin ótken baspasóz máslıhatynda &laquo;Jańbyr adam&raquo; atanyp ketken Altaı Aınabektiń Araldy jańbyr sýymen toltyrý jobasy týraly pikir bildirdi.&nbsp;</p>

«Áleýmettik jelide Altaı Aınabek deıtin azamattyń bult shaqyrý arqyly jańbyr jaýǵyzyp jatqany týraly málimetter qyzý talqylanyp jatyr. Erteń osyndaı tehnologııa arqyly shabyndyǵyn jasyldandyryp, egis shyǵymyn kóbeıtý jobasyna sýbsıdııa suraıtyndar shyqsa, qoldaýǵa daıynsyzdar ma?» - dep surady BAQ ókili. 

Vıtse-mınıstr mundaı jobamen sheteldikter de júgingenin eske saldy.

«Biz zańdy birneshe ret zerttedik. Bizge osyndaı suraqpen shetelden de mamandar kelgen. Mańǵystaý, Batys Qazaqstan óńirlerinde 2-3 jyl buryn sýmen problema bolǵanyn biletin shyǵarsyz. Sol kezde bult shaqyryp, jańbyr jaýǵyzaıyq degen usynys berildi. Biraq bul máseleniń birneshe qyry bar. Bir jaǵynan ekologııanyń máseleleri de bar. Bul - tabıǵat qoı. Bir jerde jańbyr jaýǵanymen, kelesi bir jerge zııany tııýi múmkin. Myna jerde jańbyr jaýǵanymen, basqa jerden ylǵaly aýyp ketýi múmkin. Onyń bárin zertteý qajet», - dedi ol. 

Vıtse-mınıstr bul tásil áli jan-jaqty zertteýdi qajet etedi dep otyr.

«Ekologııa mınıstrligimen birge jumys istedik. Biraq qazirgi tańda eshqandaı ǵylymı qorytyndy da, naqty tájirıbe de joq. Sondyqtan naqty birdeńe aıtý qıyn. Ondaı jobaǵa sýbsıdııa berý degen bizde eshqandaı zańǵa jatpaıdy», - dedi Azat Sultanov.