Zııandy qaldyqtarǵa monıtorıng jasaıtyn júıe iske qosylady – Murat Nurtileý

ASTANA. QazAqparat – Sheteldik ınvestorlar keńesiniń otyrysynda Syrtqy ister mınıstri Murat Nurtileý zııandy qaldyqtar salasynda monıtorıng júrgizýdiń avtomattandyrylǵan júıesin engizý jospary týraly aıtyp berdi, dep habarlaıdy QazAqparat tilshisi.

«Ekologııalyq kodekske qatysty toqtalsaq, biz bastapqyda qaldyqtardy baqylaýdyń avtomattandyrylǵan júıesin engizýdi josparlap, 2023 jyldyń 1 qańtarynan zertteý jumystaryn bastadyq. Alaıda obektıvti sebepterge baılanysty Úkimet bul jumysty júzege asyrýdy jeltoqsan aıyna deıin qaldyrdy. Biz bul avtomatty baqylaý jáne tekserý júıesin qanatqaqty joba retinde engizýge daıyn bolamyz. Ol munaı men gaz, taý-ken jáne energetıka kásiporyndarynda bolady», - dedi Murat Nurtileý

Budan buryn habarlanǵandaı, búgin elordadaǵy Kongress ortalyqta Astana halyqaralyq forýmy jumysyn bastady.

Forým klımattyń ózgerýine, azyq-túlik tapshylyǵyna jáne energetıkalyq qaýipsizdikke qatysty máselelerdi sheshý joldaryn qarastyrý maqsatynda shetel úkimetteriniń, halyqaralyq uıymdardyń, bıznes pen ǵylymı ortanyń joǵary laýazymdy delegattarynyń dıalogine arnalǵan alań bolmaq.