Zımbabvede tyrysqaq indetinen 50-den astam adam kóz jumdy

<p>Zımbabvede tyrysqaq dertinen 50-den astam adam qaıtys boldy. Osy oqıǵaǵa baılanysty Qyzyl Krest jáne Qyzyl Jarty Aı turǵyndary dabyl qaǵyp jatyr. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://ru.euronews.com/2023/11/20/short-zimbabwe-cholera" target="_blank" rel="noopener">Euronews</a>-ke silteme jasap habarlaıdy.&nbsp;</p>

Zımbabve astanasy Hararede tyrysqaq indetine baılanysty tótenshe jaǵdaı jarııalandy. Qaýipti juqpaly dertten 150-den astam adam qaıtys bolýy múmkin, 50 jaǵdaıda ólimniń sebebi zerthanalyq túrde rastaldy.

7 myńnan astam adamnan aýrý belgileri anyqtalǵan.

«Sý qubyry júrgizilmegen kentter men qala mańyndaǵy jerlerde adamdar qudyqtardy qoqys tógetin or janynan qazǵan. Bul olar tutynatyn aýyz sý las ekenin bildiredi», - dedi Harare meri ıAn Makone.

Qyzyl Krest jáne Qyzyl Jarty Aı qoǵamy tyrysqaq dertiniń basqa memleketterge ótýi múmkin ekenin eskertti. Zımbabve bıligi elde tájirıbeli mamandar, dári-dármek jáne qurylǵylar, sondaı-aq taza sýdyń bolmaýy sebebimen halyqaralyq qaýymdastyqtan kómek surady.

Dárigerler men sheneýnikter qazirgi indetti 2008 jyly aýrý juqtyrǵan 100 myń adamnyń 4 myńynyń ómirin qıǵan, sonymen qatar prezıdent Robert Mýgabeni bılikti oppozıtsııamen bólisýine májbúr etken indetpen salystyryp otyr.

Zımbabve qalalarynda taza aýyz sýdyń jetispeýshiligi jáne qoqys, káriz problemalaryna baılanysty tyrysqaq indeti jıi órship turady.

Aýrý ádette lastanǵan tamaq nemese sý arqyly taralatyn bakterııadan týyndaıdy.