Zımbabvede 8 mln adam ashtyqtan zardap shegýde

HARARE. QazAqparat - Zımbabvede uzaqqa sozylǵan qurǵaqshylyq saldarynan mıllıondaǵan adamdar ashtyqtyń qurbany bolýda, dep habarlaıdy QazAqparat Business Report silteme jasap.

Bul týraly BUU Búkilálemdik azyq-túlik baǵdarlamasy jarııalady. Uzaqqa sozylǵan qurǵaqshylyq saldarynan eldegi turǵyndardyń jartysy, ıaǵnı 8 mln-ǵa jýyǵy azyq-túlik jetispeýshili zardaptaryn tartýda. Sondyqtan atalǵan halyqaralyq uıym 4,1 mln adamǵa kómek kórsetip, qajetti azyq-túlik kólemin jetkizbekshi.

«Jaǵdaıdyń kúrdelenýi aqpan aıynyń sońynda bolady», - dedi Zımbabvedegi Búkilálemdik azyq-túlik baǵdarlamasynyń ókili Nıls Baltser.

Eldi jaılaǵan qurǵaqshylyq osy jyly júgeri ónimderi kólemin 50 paıyzǵa deıin qysqarýyna alyp kelgen.