«Jyr alybynyń jarqyn beınesi» - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 18 aqpan, beısenbi kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady.

***

«Egemen Qazaqstan» gazetiniń jazýynsha, Qazaqstannyń kólik óndirisi shetel naryǵyna shyǵa bastaǵan. «Ádette, otandastarymyz temir tulparlardy arab elderinen tasymaldaıtyn bolsa, endi olardyń kózi Qazaqstanda qurastyrylǵan ónimge túsip, «Nıva» kóligin attaı qalap satyp ala bastapty. Qazir, avtokóliktiń bul markasy Birikken Arab Ámirlikteriniń joldary men shólderine óz izin sala bastady deýge bolady. Bul múmkindik­ke qol jetkizýge «BIPEK AVTO Qa­­­zaqstan» JShS Aqtaýdaǵy fı­lıalynyń ótinishin az ýaqyttyń ishinde qarap úlgergen Mańǵystaý oblysy kásipkerler palatasy muryndyq boldy. Buǵan deıin taýardyń shyǵarylǵan jeri týraly sertıfıkattaýdan týyndaǵan problemalardyń saldarynan Birikken Arab Ámirlikterine ós­kemendik avtokólikterdi eksporttaý múmkin bolmaǵan edi»,-dep jazady basylym. Bul týraly basylymnyń búgingi sanynda jaryq kórgen «Nıva» kóligin Arab Ámirlikterine shyǵarýǵa jol ashyldy» atty maqalany oqyńyzdar.

Jyr alyby - Jambyl týraly «Qazaqstan» ulttyq telearnasy 4 serııaly tarıhı drama túsirip shyqqan. Bul týraly «Egemen Qazaqstan» gazeti habarlaıdy. «Fılm «Qazaqstan» arnasynda 28 aqpanda, ıaǵnı aqynnyń týǵan kúninde kórermender nazaryna usynylady. «Uly aqyn bolashaqqa mol mu­ra qaldyryp, qazaq ádebıeti men mádenıetine eleýli úles qosty. Jam­byl kóp qyrly tulǵa. Aqyn­dyǵymen qatar, aıryqsha sheshen­digimen de jurtqa tanylyp, aty ańyzǵa aınalǵan. Tarıhı dramada Aıgúl Úlkenbaeva (Dına Nurpeıisova), Іlııas Turmanov (Lavrentıı Be­rııa), Áıgerim Sámenova (Kúlásh Baı­seıitova), Jolaman Ámirov (Jabaı), Ergenbaı Ábýov (Súıinbaı), Nurbek Muqysh (Kenen Ázirbaev), Boranbaı Moldahmetov (Muhtar Áýezov), Qanat Júnisov (Sáken Seıfýllın), Kentaı Aqúr­pekov (Temirbek Júrgenov), Baqyt Bedelhan (Baýyrjan Mo­mysh­uly) jáne taǵy da basqa belgili akterler oınaıdy. Bul týraly «Egemen Qazaqstan» gazetinde búgin «Jyr alybynyń jarqyn beınesi» atty maqaladan oqyńyzdar.

***

«Aıqyn» gazetiniń jazýynsha, batys elderi qazaq elindegi demokratııalyq ózgeristerdi úlken yqylaspen baqylaıdy. «Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar jáne adam quqyqtary bıýrosy (EQYU/DIAQB) Qazaqstandaǵy parlamenttik doda barysyn baqylaý mıssııasyn resmı túrde ashty. Budan buryn resmı Astana eýropalyq osy beldi uıymǵa shaqyrý jibergen bolatyn. EQYU/DIAQB baıqaýshylar mıs­sııasyna Borıs Frlets jetekshilik etedi. Keshe ol Syrtqy ister mınıstri Erlan Ydy­rysovpen kezdesti. Elimizdiń syrtqy saıasat vedomstvosynyń basshysy Qazaq­stan­­nyń básekelesti, transparentti jáne ádil saılaý ótkizý qaǵıdattaryna berik­tigin málimdedi»,-dep jazady basylym. B.Frlets saılaýdy baıqaý boıynsha ýaqytyly shaqyrý jibergeni jáne mıssııa jumysy úshin barynsha qo­laı­ly jaǵdaılar týǵyzǵany úshin Qazaq­stanǵa alǵysyn bildirgen. Bul týraly gazettiń búgingi sanynda jaryq kórgen «Qazaqstan ádil saılaý qaǵıdattaryna berik» atty maqaladan oqyńyzdar.

Sondaı-aq, «Aıqyn» gazetiniń habarlaýynsha, «Ońtústik» arnaıy ekonomıkalyq aımaǵyndaǵy «Bal tekstıl» JShS kilem toqý fab­rıkasy úshin jylyna 4 myń tonna polıpropılen jipterin shyǵaratyn óndiris orny iske qosylǵan. Fabrıka bolashaqta jumys oryn­daryn kóbeıtýmen qatar, kásiporyn qýattylyǵyn 8 myń tonnaǵa deıin jetkizýdi josparlap otyr. Jobaǵa 1,7 mlrd teńge ınvestıtsııa tartyldy. Óndiriste atalǵan sala boıynsha belgııalyq, frantsýzdyq jáne germa­nııalyq óndirýshilerdiń zamanaýı jabdyqtary paıdalanylady. Kilem toqý salasynda jetekshi orynǵa ıe Wandewielle (Belgııa) kompanııa­synyń jabdyqtary toqyma óndirýdiń negizgi jelisi retinde qoldanylyp, Superba (Frantsııa), Neumag jáne Volkmann german fırmalarynyń jipti kerý jáne buraý jabdyqtary ornatylǵan. Aıta ketken jón, polı­pro­pılen jip ıirý fabrıkasy iske qo­sylmaı turyp «Bal tekstıl» JShS jipti Túrkııa, Bangladesh jáne In­donezııadan ákelýge májbúr bolǵan edi.

Joba tek Ońtústik óńirine ǵana emes, jalpy elimiz úshin biregeı bolyp tabylady. Bul týraly «Aıqyn» gazetindegi «Kilem toqıtyn jip Shymkentten shyǵarylady» degen maqaladan oqyńyzdar.

***

Al, «Ekspress-K» gazetiniń jazýynsha, Qazaqstan aýmaǵynda ejelgi adamzat órkenıetiniń izderi tabylǵan. Bul tarıhı derekti dáleldeýmen zertteýshi Qýandyq Jumanov aınalysyp júr eken. Onyń aıtýynsha, qazirgi geografııanyń zańyna baǵynbaıtyn birqatar eski kartalar bar. Ol kartalardaǵy Eýrazııanyń ortalyǵynan bastap shyǵystan batysqa qaraıǵy taý - shyn máninde taý emes, bul muztaýdyń jaǵasy. Bul týraly «Ekspress-K» gazetiniń búgingi sanynda jaryq kórgen «Nepredskazýemoe proshloe» atty maqaladan oqyńyzdar.