«Jyndy» júrgizýshiler bar eken» - baspasózge sholý
***
Keshe Prezıdent janyndaǵy Ortalyq kommýnıkatsııalar qyzmetinde Ulttyq bank tóraǵasy Qaırat Kelimbetov Birikken Arab Ámirlikterinde ótken H Dúnıejúzilik ıslam ekonomıkalyq forýmy taqyrybynda brıfıng ótkizdi. Osy jaıt arqaý bolǵan maqala el gazeti «Egemen Qazaqstanda» «Islamdyq qarjylandyrý jaqsy damyp keledi» degen taqyryppen berilgen. Basylymnyń jazýynsha, Qaırat Kelimbetov «Islamdyq Davos» dep atalyp ketken Dúnıejúzilik ıslam ekonomıkalyq forýmy aıasynda Qazaqstan Prezıdenti Nursultan Nazarbaevtyń Global Islamic Finance Awards (GIFA) uıymynyń «Islamdyq qarjy boıynsha jahandyq kóshbasshy» syılyǵymen marapattalǵanyn erekshe atap ótti. Ulttyq bank tóraǵasynyń aıtýynsha, atalmysh syılyq álemdik qaýymdastyqta, jalpy, ıslamdyq qarjylandyrý salasynda asa bedeldi syılyq bolyp tabylady. Álemde ıslamdyq qarjylandyrý boıynsha osyndaı úsh syılyq qana bar eken. «Kelesi jyly Almaty qalasynda Islam qarjylyq qyzmetteri keńesiniń sammıti ótpek. Elbasynyń arqasynda Qazaqstan Ortalyq Azııa jáne TMD elderi aımaǵynda ıslamdyq qarjylandyrý boıynsha kóshbasshy elderdiń biri bolyp tabylady, sonyń nátıjesinde TMD aımaǵynda teńdesi joq ıslamdyq qarjylandyrý qyzmeti jáne uıymdastyrý máseleleri boıynsha zańnama qabyldandy. Prezıdent tapsyrmasy boıynsha, elimizde ıslamdyq qarjy salasyn damytý úshin 2020 jylǵa deıingi «Jol kartasy» bekitildi, 2011 ıslam qarjylyq qyzmetteri keńesiniń ((IFSB) múshesi atandyq», - dedi Q.Kelimbetov.
***
«Aıqyn» gazetiniń búgingi sanynda qarjyger-sarapshy Іlııas Isaevpen aradaǵy suhbat «Offshorlyq aımaqtarǵa tyqyr taıandy» degen taqyryppen berildi. Suhbat negizinen elimizde júrgizilip jatqan qarjyny zańdastyrý sharasy tóńireginde órbigen. Onyń atap ótýinshe, qarjyny zańdastyrýdyń negizgi maqsaty - birnesheý. Birinshiden, keıbir memleketterde kóleńkeli ekonomıka keıde kúsh alyp ketedi. Sol kóleńkeli ekonomıkada aınalymda júrgen kapıtaldy azaıtý maqsatynda ony zańdastyrý sharalary qoldanylady. Ekinshi maqsat - kapıtaldy legalızatsııalaý kezinde ekonomıkanyń damýyna qosymsha qarajat kózderin qalyp-tastyrý. Demek, kapıtaldy zańdastyrý úrdisi osy úshin qajet. Úshinshiden, aına-lymda júrgen kapıtal men odan túsetin tabys zańdastyrylady jáne olarǵa degen menshik quqyǵy memleket tarapynan moıyndalýy tıis, kapıtal zańdy dep sanalady. Tórtinshiden, endigi jerde zańdy tulǵalar, jeke tulǵalar kapıtaldan túsetin tabystan memleketke turaqty túrde salyq tólep otyrýy kerek. «Offshorlyq aımaqtarǵa Eýroodaq tıise bastady. Eýropalyq ortalyq banktiń Kıpr aralynda kommertsııalyq bankterde jatqan depozıtterge qatysty banktegi salymdarǵa salǵan salyqtan habardar bolarsyz. Shyn máninde, Kıprdegi kommertsııalyq bankterde jatqan depozıtterdiń 85 paıyzy syrttan kelgen nemese rezıdent emesterdiń aqshasy eken. Olardyń ishinde negizinen, Reseıdiń, Ýkraınanyń, Lıvııanyń azamattarynyń aqshasy kóp bolǵan. Mine, kórdińiz be? Kıpr úkimeti óziniń terrıtorııasyndaǵy depozıtterdi tárkilegendeı bolyp otyr», - dedi qarjyger.
Prokýrorlyq tekserýdiń nátıjesinde, júıke aýrýlaryna shaldyqqan, sottyń sheshimimen turyp jatqan mekenjaıy boıynsha emdelý sharalary taǵaıyndalǵan adamdardyń azamattyq-quqyqtyq kelisimder jasaıtyndyǵy, óndiris oryndarynda jumys isteıtindigi, tipti joǵary qaýip kózi bolyp sanalatyn avtokólik quraldaryn júrgizetindigi anyqtaldy. Psıhıkalyq aýytqýlar bolǵan adamdardyń kólik júrgizýine qatysty 208 fakti anyqtalǵan. Jol polıtsııasy organdary mundaı adamdarǵa qatysty kólik quraldaryn júrgizý quqyǵyn shekteý boıynsha jumys júrgizbegen», - dep jazady «Aıqyn» gazeti juma kúngi nómirindegi «Jyndy» júrgizýshiler bar eken» degen taqyryptaǵy maqalasynda. Basylymnyń jazýynsha, qylmys jasaǵannan keıin psıhıkalyq aýrýǵa ushyraǵan 35 adamnyń 21-i aýyr qylmystarmen, 9-y asa aýyr qylmystarmen aıyptalǵan. Mundaı jaǵdaılardyń kóbi Almaty (8 adam), Ońtústik Qazaqstan (7) jáne Almaty (6) oblystarynda bolǵan. Qylmystyq isterin qarap jatqanda aıaq astynan psı-hıkalyq aýytqýlar paıda bolǵan 11 aıyptalýshy qylmys istegen kezde memlekettik organdarda uzaq ýaqyt boıy laýazymdy qyzmetter atqarǵan. Olardyń ishinde - úsh ákim, úsh áskerı qyzmetker, eki bas dáriger, eki bas býhgalter jáne bir poıyz bastyǵy bar.
***
Pavlodardyń burynǵy ákimi ózine taǵylǵan 10 aıyptyń 8-inen aqtalyp shyǵýy múmkin. «Vremıa» gazetiniń jazýynsha, bul jaıynda Memlekettik qyzmet isteri jáne sybaılas jemqorlyqqa qarsy agenttiktiń tóraǵasy Qaırat Qojamjarov málim etken. «Búgingi tańda taǵylǵan aıyptyń ekeýi ǵana qaldy. Birinshisi qyzmettik laýazymyn asyra paıdalaný jáne iri kólemde para alý men zańdastyrý», - dedi agenttik basshysy. Maqala «Aryn jdet opravdanııa» degen taqyryppen berilgen.