Jyljymaıtyn múlikti satqanda salyq somasy qalaı anyqtalady

NUR-SULTAN. QazAqparat - Memlekettik kirister komıteti jyljymaıtyn múlikti satqannan múliktik kiris alǵanda jeke tulǵalarda qandaı salyq mindettemesi týyndaıtyny týraly aqparatty usyndy, dep habarlaıdy QazAqparat.

Qunnyń ósimin qalaı anyqtaý kerek; múlikti ótkizý kezinde naryqtyq qundy qoldanýǵa bolady ma jáne basqa da osyǵan baılanysty suraýlar hattar jıi túsedi.

Sonymen dara kásipker retinde tirkelmegen jeke tulǵanyń múliktik kirisi qashan paıda bolady?

Múliktik kiristiń paıda bolýy:

1. Jyljymaıtyn múlikti satý:

kommertsııalyq emes múlik turǵyn úıler (páterler, jeke turǵyn úıler, jataqhanaǵa bólmeler), saıajaılar, jeke turǵyn-úı qoryna arnalǵan jer ýchaskeleri, baqsha ýchaskeleri, jeke qosalqy sharýashylyq obektileri, garajdar.

kommertsııalyq múlik (dúken, keńse, qonaq úı, meıramhana jáne t.b.), kommertsııalyq qyzmet úshin nysanaly maqsaty bar jer ýchaskeleri (osyndaı jyljymaıtyn múlik salý úshin, sharýa qojalyǵyn júrgizý úshin).

2. Salyq salý obektisi:

Qun ósiminen túsetin kiris

kommertsııalyq emes múlik - tek qana osyndaı obektilerge menshik quqyǵy tirkelgen kúnnen bastap bir jyldan az menshik quqyǵynda bolatyn múlik.

kommertsııalyq múlik-mundaı obektilerdi ıelený merzimine qaramastan.

3. Qun ósimi qalaı anyqtalady:

múlikti ótkizý baǵasy (quny) men ony satyp alý baǵasy (quny) arasyndaǵy oń aıyrma.

4. Satyp alý baǵasy (quny) bolmaǵan jaǵdaıda:

· jyljymaıtyn múlik buryn aıyrbas sharty boıynsha satyp alynǵan (eger aıyrbas shartynda baǵa bolmasa) - menshik quqyǵy týyndaǵan jyldyń 1 qańtaryna «Azamattarǵa arnalǵan úkimet» memlekettik korporatsııasymen múlik salyǵyn esepteý úshin aıqyndalǵan ótkizý baǵasy men baǵalaý quny arasyndaǵy oń aıyrma.

kommertsııalyq emes jyljymaıtyn múlik buryn mura nemese qaıyrymdylyq túrinde alynǵan:

- osyndaı múlik ótkizilgen jyldan keıingi jyldyń 31 naýryzynan keshiktirmeı aıqyndalǵan menshik quqyǵy týyndaǵan kúngi múlikti ótkizý baǵasy men naryqtyq qun arasyndaǵy oń aıyrma. Naryqtyq qundy baǵalaýshylar anyqtaıdy;

- eger naryqtyq quny bolmasa, ne naryqtyq qunyn aıqyndaý merzimi saqtalmasa-menshik quqyǵy týyndaǵan jyldyń 1 qańtaryna «Azamattarǵa arnalǵan úkimet» memlekettik korporatsııasymen múlik salyǵyn esepteý úshin aıqyndalǵan ótkizý baǵasy (quny) men baǵalaý quny arasyndaǵy oń aıyrma.

· kommertsııalyq jyljymaıtyn múlik buryn mura nemese qaıyrymdylyq túrinde alynǵan:

- osyndaı múlik ótkizilgen jyldan keıingi jyldyń 31 naýryzynan keshiktirmeı aıqyndalǵan menshik quqyǵy týyndaǵan kúngi múlikti ótkizý baǵasy men naryqtyq qun arasyndaǵy oń aıyrma. Naryqtyq qundy baǵalaýshylar anyqtaıdy;

- eger naryqtyq qun bolmasa nemese naryqtyq qundy anyqtaý merzimi saqtalmasa-satý baǵasy (quny).

· jyljymaıtyn múlik buryn syıǵa tartý sharty boıynsha alynǵan:

- jer ýchaskelerin qospaǵanda, kommertsııalyq emes múlik (páterler, saıajaılar, jeke qosalqy sharýashylyq obektileri, garajdar, jeke turǵyn úıler) - menshik quqyǵy týyndaǵan jyldyń 1 qańtaryndaǵy «Azamattarǵa arnalǵan úkimet» memlekettik korporatsııasymen múlik salyǵyn esepteý úshin aıqyndalǵan múlikti ótkizý baǵasy men baǵalaý quny arasyndaǵy oń aıyrma;

- jer ýchaskelerin qospaǵanda, kommertsııalyq múlik-satý baǵasy (quny);

Jeke turǵyn-úı qoryna arnalǵan jáne kommertsııalyq jyljymaıtyn múlik úshin jer ýchaskeleri, baqsha ýchaskeleri-neǵurlym kesh kúnderdiń birine memlekettik jer kadastryn júrgizetin «azamattarǵa arnalǵan úkimet» memlekettik korporatsııasy aıqyndaǵan jer ýchaskesiniń satý baǵasy (quny) men kadastrlyq (baǵalaý) quny arasyndaǵy oń aıyrma:

jer ýchaskesine menshik quqyǵynyń týyndaǵan kúni;

jer ýchaskesine menshik quqyǵy týyndaǵan kúnniń aldyndaǵy sońǵy kún.

jeke turǵyn úı, buryn ózdiginen salynǵan:

- osyndaı múlik ótkizilgen jyldan keıingi jyldyń 31 naýryzynan keshiktirmeı aıqyndalǵan menshik quqyǵy týyndaǵan kúngi múlikti ótkizý baǵasy men naryqtyq qun arasyndaǵy oń aıyrma. Naryqtyq qundy baǵalaýshylar anyqtaıdy;

- eger naryqtyq quny bolmasa, ne naryqtyq qunyn aıqyndaý merzimi saqtalmasa-qun ósimi menshik quqyǵy týyndaǵan jyldyń 1 qańtaryna «Azamattarǵa arnalǵan úkimet» memlekettik korporatsııasymen múlik salyǵyn esepteý úshin aıqyndalǵan ótkizý baǵasy (quny) men baǵalaý quny arasyndaǵy oń aıyrma retinde aıqyndalady.