Jylyjaılarǵa kómir jaz aılarynda jetkiziledi - AShM

ASTANA. QazAqparat – Jylyjaılarǵa kómirdi erte jetkizý jumystary iske asyrylady. Bul týraly Májiliste ótip jatqan Úkimet saǵatynda Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Jylyjaıda kókónis ósiretinderdiń taǵy bir problemasyna toqtalsaq, bıyl kómirmen qamtamasyz etýde qıyndyq boldy. Maýsymdyq kezeńde jylyjaı sharýashylyqtary basqa tutynýshylarmen birge kómir tapshylyǵyn nemese onyń qymbattaýyn sezindi. Osy problemany sheshý úshin Indýstrııa jáne ınfraqurylymdyq damý mınıstrligi Jol kartasyn ázirledi. Oǵan sáıkes jazǵy ýaqytta kómirdi aldyn ala daıyndaý, onyń ishinde óńirlerde osy otyn túrin satý oryndarynda jáne tıisti nysandarda jınaqtaý jumystary bastalady», - dedi E. Qarashókeev.

Budan buryn habarlanǵandaı, jylyjaılardaǵy elektr energııasy men gaz shyǵyndaryna sýbsıdııa bólinbek.

Jyl basynda Túrkistan oblysynda kómirdiń joqtyǵynan jylyjaılardy jylytý múmkin bolmaı, ondaǵy kóshetter men ónimder úsip jatqany habarlandy.