Jylyjaılardaǵy elektr energııasy men gaz shyǵyndaryna sýbsıdııa bólinbek
«Fermerlerdi yntalandyrý baǵytynda tıimdi qoldaý retinde ınvestıtsııalyq sýbsıdııalaý qarastyrylǵan. Onyń aıasynda jylyjaı keshenderin salý jáne keńeıtý kezinde shyǵyndardyń 25 paıyzyn óteý eskerilgen. Nátıjelerdi tezdetý úshin qazirgi kezde normatıvti 30 paıyzǵa deıin arttyrý boıynsha jumystar qamtylǵan», - dedi E. Qarashókeev.
Budan basqa, jylyjaıdaǵy kókónis daqyldaryn óndirýdi damytý maqsatynda tyńaıtqyshtardyń (organıkalyq daqyldardy qospaǵanda), pestıtsıdterdiń, bıoagentterdiń (entomofagtardyń) jáne bıopreparattardyń qunyn sýbsıdııalaý, qııar jáne qyzanaq tuqymdaryna sýbsıdııalar berý arqyly memlekettik qoldaý júzege asyrylady.
«Bul rette, «Agrobıznes» ámbebap baǵdarlamasy aıasynda jylyjaı qurylysyna nesıe berý iske asyrylady. Osy oraıda mólsherleme sýbsıdııalaý esebinen 6 paıyzǵa deıin tómendedi. Sonymen qatar, bizde fermerlik jylyjaılar alańynyń azaıýy baıqalyp otyr. Keıingi 3 jylda 62 gektarǵa azaıdy», - dedi mınıstr.
Bul turǵyda ol mınıstrlik jylyjaı sharýashylyqtaryna gektarlyq sýbsıdııalaýdy engizý boıynsha jumysty iske asyryp jatqanyn aıtty.
«Máselen, maýsymaralyq kezeńde elektr energııasy men gaz shyǵyndaryn sýbsıdııalaýdy engizý josparlanǵan. Alaıda, bıýdjet qarajatyn tıimdi jumsaý, sondaı-aq barlyq agrotehnologııalar saqtalatyn jylyjaılardy qoldaý maqsatyn eskere otyryp, sýbsıdııa alýǵa óndiris tehnologııalaryna sáıkestik sertıfıkatynyń bolýy sııaqty mindetti talap engizilmek. Ol úshin Saýda jáne ıntegratsııa mınıstrligi Aýyl sharýashylyǵy mınıstrligimen birlesip 2023 jylǵy 1 mamyrdan bastap kúshine engen fermerlik jylyjaılar úshin Ulttyq standartty (QR ST 3834-2023) ázirledi jáne bekitti. Qazirgi kezde mınıstrlik jergilikti atqarýshy organdar qaýlysymen bekitilgen normalary boıynsha 1 gektarǵa jumsalatyn shyǵystardy sýbsıdııalaýdy eskeretin Sýbsıdııalaý qaǵıdalaryna tıisti ózgeris ázirledi», - dedi vedomstvo basshysy.
Budan buryn habarlanǵandaı, mınıstr maýsymaralyq kezeńde kókónispen qamtamasyz etýde problema bar ekenin aıtty. https://kaz.inform.kz/news/biyl-elimizde-kartop-197-6-myn-gektar-alkapka-egildi_a4080512