Jylytý maýsymy: ShQO-da árbir úshinshi úıde qaýipsizdik talaptary saqtalmaǵan
Sondaı-aq osy kúni dál osyndaı sebeppen Rıdder qalasynyń aýmaǵyndaǵy Býtakovo aýylynda ýly gazdan ýlanǵan 19 jastaǵy turǵyn aýrýhanaǵa jatqyzyldy.
Aıta ketý kerek, bul úılerde TJ qyzmetiniń mamandary aldyn ala qaýipsizdik nusqaýlaryn ótkizgen. Turǵyn úı peshteriniń murjalary bitelmegen. Aýa raıynyń kúrt jylynýy murjanyń jumysyna óz áserin tıgizdi.
«Halyqtyń qaýipsizdigi úshin jylytý kezeńi aıasynda ShQO TJD qyzmetkerleri turǵyn úı sektoryn keń aýqymdy aralaý jumystaryn júrgizýde. Qazirdiń ózinde 137 000-nan astam úı aralandy. ShQO TJD mamandary ár otbasynda órt-profılaktıkalyq jumystaryn júrgizdi. Bizdiń basty mindetimiz - órt pen ýly gazdan ýlanýdyń aldyn alýǵa kómektesetin mańyzdy usynystardy úıdiń árbir ıesine jetkizý», - dep atap ótti ShQO TJD bastyǵynyń orynbasary.
Reıdter árbir úshinshi úıde buzýshylyqtar bar ekenin kórsetedi - ýaqtyly tazalanbaǵan murja, peshtiń aldyna qoıylatyn tósemsheniń bolmaýy, peshterdegi jaryqtar. ShQO TJD qyzmetkerleriniń turaqty eskertý jumystaryna qaramastan, turǵyndar úılerdiń qaýipsizdigi tek ózderiniń moınynda ekenin túsinýi kerek. Árbir úıesi murjasyn tazalap, buzylǵan elektr toǵy kózin joımaıynsha jáne turǵyn úıdi órtke qarsy jaǵdaıǵa keltirmeıinshe, jaǵdaı sheshilmeıdi.
Qutqarýshylar jylytý kezeńinde kelesi erejelerdi saqtaý kerektigin eskertedi:
- tútin qubyrlary, tútin murjalary jáne jylytý peshteriniń basqa elementteri jylytý maýsymy bastalǵanǵa deıin, sondaı-aq jylytý maýsymy kezinde keminde úsh aıda bir ret, úzdiksiz jumys isteıtin peshter keminde eki aıda bir ret kúıeden tazartylady;
- shatyrlarda jáne tútin arnalary ótetin úı-jaılarda barlyq qubyrlar men qabyrǵalar áktelý kerek;
- ólshemi 50*70 sm bolatyn metall peshtiń aldyna qoıylatyn tósemshe bolýy tıis;
- qyzdyrylǵan kúl men qoj shyǵarylǵannan keıin arnaıy bólingen orynǵa jetkizilip, ústine sý tógedi.