Jylyna 10 tonna altyn kontsentratyn óndiretin nysan iske qosyldy
«Aldyńǵy qatarly qural-jabdyqtar men tehnologııalardy paıdalaný arqyly zamanaýı taý-ken baıytý kesheni irgetasynan bastap salyndy. Ol jylyna ortasha eseppen 10 tonna altyn kontsentratyn óndiretin bolady. Jobany júzege asyrý 9 jyl boıy quramynda altyn bar kendi ashyq tásilmen, al odan keıin jerastynan óndirýge múmkindik beredi. Taý-ken baıytý kesheniniń ónimdiligi jylyna 2 mln tonna kendi quraıdy. Osynaý biregeı joba ázirleýden óndiriske deıin joldan ótip, josparlanǵan qýatyna shyqty jáne qazirdiń ózinde 3 tonna altyn kontsentratyn óndirdi», - dep atap ótti shara barysynda «Baqyrshy taý-ken óndirý kásiporny» JShS-nyń bas dırektory ıÝrıı Ovchınnıkov.
Telekópir barysynda atalǵan kásiporyn bas geologynyń orynbasary Serik Qonaqbaev ta sóz sóılep, Elbasynyń arqasynda ondaǵan myń jas qazaqstandyq sapaly kásibı bilim alǵanyn basa aıtty.
«Caravan Resources Ltd» JShS - Dırektorlar keńesiniń tóraǵasy Qaırat Satylǵanov «Almaly» ken ornynda katodty mys óndirý zaýytyn testili túrde iske qosylǵanyn atap ótti.
«Asa qurmetti Nursultan Ábishuly! Sary-ArkaCopper Processing kompanııasy Qaraǵandy oblysy «Almaly» ken ornynda katodty mys óndirý zaýytyn testili túrde iske qosty. Qazirgi tańda barlyq synaq jumystary aıaqtalyp, 1000 tonna ónim shyǵaryldy. Joba barysynda joǵary ónimdi 550 jańa jumys ornyn ashpaqpyz. Bizdiń kásiporyn Indýstrııa 4.0 men ónerkásiptik tsıflandyrýǵa kóshý baǵdarlamasynyń talaptaryna saı. Siz árdaıym qazaqstandyq metallýrgterge qoldaý kórsetesiz. Sizdiń arqańyzda biz jańa óndiris kezeńderin meńgerdik. Sizdiń qoldaýyńyzdy sezinip, táýelsiz ári qýatty Qazaqstannyń órkendeýi úshin jumys isteıtin bolamyz. Qurmetti, Elbasy! Eki birdeı kásiporynymyzda tolyq óndiristi iske qosýǵa ruqsat berińiz!», - dedi Qaırat Satylǵanov.
Óz kezeginde Nursultan Nazarbaev zaýyttardy iske qosýǵa ruqsat berip, tabysty bolyńdar degen tilegin jetkizdi.
«Kenniń quramy óte kúrdeli. Ony qaıta óńdeý ýaqyty baıaǵydan-aq kelgen edi, sheshe almadyq. Endi mine, ony jasap otyrmyz. Bul kenishte 44 tonna metall altyn óndiriletin bolady. Tolyqtaı alǵanda, endigi ýaqytta Qazaqstan jylyna 85 tonna altyn óndirý deńgeıine shyqty. Bul óte úlken kórsetkish. Álemdik aýqymda biz shamamen alǵashqy ondyqqa kiretin shyǵarmyz», - dedi Nursultan Nazarbaev.