Jyly dárethanalardy «mýzeı» retinde ustap otyrǵan mektepter bar – Bilim jáne ǵylym mınıstri
«Eshkimdi aldaýdyń qajeti joq. Jyly dárethanany ornatqanymen, ony mýzeı sııaqty qasterlep, jabyq ustaıtyn mektepter de bar. Tekserýshiler kelgende ǵana ashylatyndyqtan, basqa kezde oqýshylar aýladaǵy dárethanaǵa baryp júrgen jaǵdaılar áshkere boldy. Mundaıǵa jol berilmeýi kerek. Aýyldy eldi mekenderde syrttaǵy dárethana degen bolmaýy kerek nemese oǵan oqýshylar kire almaıtyndaı etip bekitilýi kerek. Qarjy shyǵyndap, jyly dárethana salǵan ekenbiz, olar únemi jumys istep turýy tıis», - dedi Ashat Aımaǵambetov Úkimet janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi vedomstvoaralyq komıssııanyń otyrysynda.
Vedomstvo basshysy budan bylaı jyly dárethanalardyń sanıtarlyq torappen jabdyqtalýyna basa kóńil bólinetinin eskertti.
«Jyly dárethananyń ózi ǵana bolǵany jetkiliksiz. Men komıtetke tapsyrma berdim, budan bylaı ol dárehanalardyń sýmen qanshalyqty jabdyqtalǵanyn, assenızator mashınalarynyń bolýyn, septıkterdiń durys jumys isteýin qadaǵalaý kerek. Bul máseleler sheshilmese, jyly dárethana jumys isteıdi degenimiz ótirik bolady», - dedi Bilim jáne ǵylym mınıstr.