Jylý kózderi men ınjenerlik jelilerdi jylý maýsymyna daıyndaý jumysyna bıyl 6,9 mıllıard teńge jumsaldy - Ahmetjan Esimov
Bul týraly búgin turǵyn-úı kommýnaldyq sharýashylyq, qysqy jylý maýsymyna daıyndyq pen qoǵamdyq tártipti saqtaý máselelerine arnalǵan alqaly jıynda aıtyldy.
«Úıaralyq jeli men qural-jabdyqtardy jyl maýsymyna daıyndaý zań boıynsha jeke páter ıeleri kooperatıvteriniń mindeti. Ótken jylý maýsymynyń tájirıbesi keıbireýlerdiń oǵan salǵyrt qaraǵanyn kórsetti. Oǵan kásipqoı emes mamandar tartylyp, úı aralyq jelilerde aıtarlyqtaı jylý joǵalyp, páterlerde qajetti jylý bolmady», - deıdi qala ákimi Ahmetjan Esimov.
Elbasy tapsyrmasy boıynsha «Energııa únemdeý jáne energııalyq tıimdilik týraly» zań qabyldanǵan bolatyn. Onyń normalarynyń biri shilde aıynan bastap mindetti jalpy úılik esepteý quralyn ornatý. Tabıǵı monopolııalardy retteý agenttiginiń buıryǵy boıynsha 1 qyrkúıekten bastap esepteý quraly joq tutynýshylar úshin mólsherleme 20 paıyz joǵary bolady. A.Esimov: «Qazir bizde kóbi esepteý quralyn áli ornatqan joq. Ondaǵy tıimdilik 20 paıyzdan 2-3 esege deıin jetedi. Búgingi tańda kóp qabatty turǵyn úılerdiń 26 paıyzy ǵana ony ornatqan. Qalalyq bıýdjetten jalpyúılik esepteý quralyn ornatý úshin 250 mln. teńge bólindi. Óz qarjylaryńyzdan ornatam deseńizder óz erkilerińizde. Degenmen quzyrly organdar men aýdandyq ákimdik jurtshylyq arasynda ony túsindirý jumystaryn áli de jandandyra túsý qajet», - deıdi.