Jylý energııasyna tarıf tómendeıdi - QR UEM

NUR-SULTAN. QazAqparat - Ulttyq ekonomıka mınıstrliginiń Tabıǵı monopolııalardy retteý komıteti «QazTransOıl» AQ-pen jylý energııasyn óndirý, berý, taratý, retteletin qyzmetteriniń tarıfteri boıynsha kelisimge keldi, dep habarlaıdy QazAqparat tilshisi.

Komıtetke Ulttyq ekonomıka mınıstriniń buıryǵymen bekitilgen tarıfterdi qalyptastyrý qaǵıdalaryna sáıkes jylý energııasyn óndirý, berý, taratý retteletin qyzmetterdiń tarıfterin tómendetýge qatysty «QazTransOıl» AQ-nyń haty kelip túsken. Tabıǵı monopolııa sýbektisi tabıǵı monopolııalar týraly zańnamaǵa sáıkes, ýákiletti organnyń kelisimi boıynsha rettelip, kórsetiletin qyzmetterge tarıfterdi derbes tómendetýge quqyǵy bar ekenin atap ótý qajet.

Osylaısha, Komıtet aǵymdaǵy jyldyń 26 mamyrynda «QazTransOıl» AQ-nyń hatyn qaraý aıasynda jylý energııasyn óndirý, berý, taratý retteletin qyzmetteriniń tarıfterin -7%-ǵa tómendetý jónindegi bastamasymen kelisti.

Atap aıtqanda - halyq, bıýdjettik jáne kommertsııalyq emes uıymdar úshin, sondaı-aq halyqqa kommýnaldyq qyzmetterdi kórsetetin kásiporyndar úshin QQS-syz 1 723,29 teńge/Gkal mólsherinde;

- óndiristik kásiporyndar men kommertsııalyq emes uıymdar úshin QQS-syz 11 801,89 tenge/Gkal mólsherinde tómendetý týraly kelisim jasalyp otyr.