Jylý energııasyna tarıf qanshalyqty qymbattaıdy – mınıstr jaýaby

ASTANA. QazAqparat – Ulttyq ekonomıka mınıstri Álibek Qýantyrov kommýnaldyq qyzmet tarıfin kóterýge qatysty suraqqa jaýap berdi, dep habarlaıdy QazAqparat tilshisi.

«Tıisti esep-qısapty júrgizý úshin ortasha eseppen 60-70 sharshy metrlik eki bólmeli páterdiń shyǵynyn nazarǵa alamyz. Óńirlerde ortasha chek aıyna 2-4 myń teńgege ósedi. ıAǵnı óńirge baılanysty aıyrmashylyq bolady. Jalpy, jylý energııasyn únemdeý qadamdaryn yntalandyramyz.

Jylý boıynsha normatıv 21 gradýs shamasynda. Turǵyndar qysta 23-25 gradýsqa úırenip qalǵan jáne ony tıisti normaǵa túsirgende, halyq shaǵymdana bastaıdy. Atap aıtqanda, qysta terezeni nemese balkondy ashý arqyly temperatýrany retteýdiń qajeti joq», - dedi Á. Qýantyrov Parlament palatalarynyń birlesken otyrysynan keıin tilshiler suraǵyna jaýap bere otyryp.