Jylý energetıkasyn retteý salasyndaǵy fýnktsııalardy bir memlekettik organǵa jumyldyrý kerek - aýdıt
Bul týraly Májilistiń jalpy otyrysynda jylýmen jabdyqtaý salasyndaǵy aýdıtorlyq is-sharanyń qorytyndysyn talqylaý kezinde Joǵary aýdıtorlyq palata tóraǵasy Natalıa Godýnova aıtty, dep habarlaıdy QazAqparat tilshisi.
«Ortalyq jáne jergilikti memlekettik organdardyń is-qımyl josparlarynyń ózara úılespeýi jáne jylý energetıkasyn damytýda júıeli tásildiń bolmaýy baıqalyp otyr. Salany memlekettik retteý birneshe memlekettik organǵa júktelgen, olardyń qatarynda Energetıka, Ulttyq ekonomıka, Indýstrııa jáne ınfraqurylymdyq damý mınıstrlikteri jáne ákimdikter bar. Jylý energetıkasyn jáne jylýmen jabdyqtaý salasyndaǵy qatynastardyń barlyǵyn retteý úshin qazirgi kezge deıin tolyqqandy quqyqtyq negiz joq. Bul turǵyda jańa zań jobasyna úmit artyp otyrmyz», - N. Godýnova.
Onyń aıtýynsha, salany jalpy avtomattandyrý jáne tsıfrlandyrý atqarylmaǵan. Jalpy tsıfrlandyrý bolsa, onda jylýmen jabdyqtaý júıeleriniń tehnıkalyq jaı-kúıi týraly naqty jaǵdaıdy anyqtaýǵa múmkindik jasalady. Osy máseleni sheshý úshin jylý energetıkasyn retteý salasyndaǵy fýnktsııalardy bir memlekettik organǵa jumyldyrý kerek.
Budan buryn habarlanǵandaı, Joǵary aýdıtorlyq palata jylýmen jabdyqtaý salasynda qarajatty tıimsiz ıgerý derekterin anyqtady.