Jylý energetıkasy salasyndaǵy zańnamany buzǵandarǵa ákimshilik jaýapkershilik kúsheıtilmek
«Damýdy josparlaý tetikterin jetildirý, óndiristik protsestiń barlyq kezeńderinde energııa tıimdiligin arttyrýdy yntalandyrý, qoldanystaǵy quqyqtyq olqylyqtardy jabý úshin qajetti normatıvtik-quqyqtyq bazany qamtamasyz etý jáne jylý energetıkasy salasyndaǵy zańnamany buzǵany úshin ákimshilik jaýapkershilikti kúsheıtý esebinen salany reformalaýdy júzege asyrý josparlanýda», - dedi mınıstr.
Onyń atap ótýinshe, zań jobasynda barlyq salany monıtorıngileý jáne baqylaý jónindegi normalar kózdelgen. Bul odan ári damytý úshin qajetti is-sharalardy ázirleý maqsatynda sala týraly tolyq aqparatty jınaý men taldaýdy júzege asyrýǵa múmkindik beredi.
«Sondaı-aq jylý energetıkasy obektilerin paıdalaný jónindegi barlyq qajetti tehnıkalyq normalar men standarttardy, tutyný normalaryn, jylý energııasyn óndirý úshin paıdalanylatyn otynnyń sapasyn kommertsııalyq esepke alý qaǵıdalaryn ázirleý qamtamasyz etiledi», - dedi Almasadam Sátqalıev.