Jylý elektr ortalyǵynyń aqaýyn retteı almaǵan vedomstvo AES-ti qalaı ustap turady

ASTANA. QazAqparat – Jylý elektr ortalyqtarynyń aqaýsyz jumysyn qamtamasyz ete almaı otyrǵan Energetıka mınıstrligi AES-ti qalaı ustap turmaqshy? Úkimet kýlýarynda vedomstvo basshysy Bolat Aqsholaqovqa osyndaı suraq qoıyldy, dep habarlaıdy QazAqparat tilshisi.

«Eger qolyńyzda 60-70 jyldan beri qoldanylyp kele jatqan jylý stansasy bolsa, ony qamtamasyz etý degen – kúndelikti jumys. Kúni-túni baqylaýda ustap, durys qarajat bólý kerek. Al AES – múlde basqa joba, jańadan salynatyn stantsııa. Árıne, qazirgi tańda ony ózimiz salýǵa múmkindik joq. Osy tehnologııany tańdasaq, soǵan saı kompanııalardy da tartýǵa bolady. Áli onda jumys isteıtin jumysshylardy daıyndaý kerek. Bul jumyspen biz búginniń ózinde aınalysyp jatyrmyz», - dedi ol.

Mınıstrdiń sózine qaraǵanda maman daıyndaýdyń ózine ǵana taǵy 4-5 jyldaı ýaqyt kerek.

«Eger stansa qurylysy 10 jyl ishinde bitetin bolsa, sol kezge deıin biz 2000-3000 shamasynda maman daıyndaýymyz kerek. Sondyqtan bul baǵyttaǵy jumys qazirden bastalýy kerek. Kdrlar ınstıtýtty bitirgen bolsa, ári qaraı basqa stansalarda jumys istep, tájirıbe jınaqtaýy kerek. Sodan keıin kelip óz úlesin qosady. AES salý, iske qosý, paıdalaný boıynsha óte kóp qujattar, óte kóp talap-suranystar bar. ıAǵnı óziniń tártip-erejeleri bar. MAGATE bar degendeı. Sonyń bárine sáıkes bolýymyz kerek. Ol - biz shyǵarǵan erejeler emes, dúnıejúziniń standarttary», - dedi Bolat Aqsholaqov.

Foto: shutterstock.com