Jylý elektr ortalyǵy mamandarynyń aılyǵy qansha – mınıstrlik málimeti

ASTANA. QazAqparat – Energetıka mınıstri Bolat Aqsholaqov Úkimet otyrysynda jylý elektr ortalyqtaryndaǵy mamandardyń aılyǵy qansha ekenin aıtty, dep habarlaıdy QazAqparat tilshisi.

Onyń aıtýynsha, jalaqynyń tómen deńgeıine baılanysty kadr jetispeýshiligi týyndap otyr.

«Qazaqstandaǵy jylý elektr ortalyǵy óndiristik personalynyń ortasha jalaqysy 2021 jyly 224 100 teńgeni qurady. Ózderińiz biletindeı, jylý elektr ortalyǵynda shyǵyndar jylý jáne elektr energııasy boıynsha bólinedi. Jylý elektr ortalyqtarynda jylý energııasynyń tarıfterinde 5% jyl saıynǵy eńbekaqy tóleý qoryn ósirýge baǵyttalady. Energetıka mınıstrligi elektr energııasyna shekti tarıfterdi qaraý kezinde elektr energııasyn óndirýge tartylǵan personal jalaqysyn 15% ósirýdi kózdedi», - dedi Bolat Aqsholaqov.

Onyń sózine qaraǵanda eldegi jylý-elektr ortalyqtarynyń 76 paıyzy qyzmet kórsetý merzimin túgesýge jaqyn.

«Jylý elektr ortalyǵynyń ortasha paıdalaný merzimi – 61 jyl. Olardyń shamamen 76% 50 jyldan astam ýaqyt jumys istep tur», - dedi Bolat Aqsholaqov.