Jylý berýdegi problema: Aqtaýda sabaqtar 10 mınýtqa qysqartyldy

AQTAÝ. QazAqparat - Aqtaýda oqýshylar sabaqty jarty saǵattan oqıdy. Buǵan oqý kabınetteriniń salqyndyǵy sebep bolyp otyr, dep habarlaıdy QazAqparat tilshisi.

Aqtaý qalalyq bilim bólimi mamandarynyń aıtýynsha, jylý berý qysymynyń tómendeýine baılanysty qaladaǵy bilim berý uıymdarynyń oqý kabınetteri salqyn.

«Oqý protsesin úzbeý maqsatynda bilim berý uıymynyń qamqorshylyq keńesimen birlesip sabaq ýaqytynyń uzaqtyǵyn 30 mınýtqa deıin qysqartý kelisildi. Qurmetti ata-analar jáne qala turǵyndary, balalardy mektepke jyly kıindirip jiberýdi suraımyz», - dedi Aqtaý qalasy boıynsha bilim bóliminen.

Mańǵystaý oblysynyń Bilim basqarmasynan málim etkendeı, sabaqtar Aqtaý mektepterinde ǵana qysqartylyp oqytylýda. «Bul máseleniń óńirdiń basqa mektepterine qatysy joq», - dedi vedomstvodan.

Atalǵan másele Aqtaý qalasy ákimdiginiń baqylaýyna alyndy.