Jylqy etinen jasalatyn ulttyq taǵamdarymyz qazaqstandyq brend bolýy tıis - S.Omarov

ASTANA. QazAqparat - Jylqy etinen jasalatyn ulttyq taǵamdarymyz qazaqstandyq brend bolýy tıis. Bul jaıynda búgin «Ulttyq brend-2014» jergilikti qamtýdy damytý máselelerine arnalǵan respýblıkalyq kórme-forýmda QR QR Aýyl sharýashylyǵy vıtse-mınıstri Saparhan Omarov málim etti.

«Biz et ónimderi ishinen jylqy etinen jasalatyn ulttyq taǵamdar, al sút ónimderinen túrli qospalarmen jasalatyn balalarǵa arnalǵan aseptıkalyq jáne «Aınalaıyn» sútteri brendke aınalýy tıis degen pikirge keldik», - dedi ol.

Onyń atap ótýinshe, mundaı ortaq pikirge Aýyl sharýashylyǵy mınıstrligi «Sút odaǵy» AQ, «Qazaqstannyń sút odaǵy» ZTB, «Bekker jáne Ko» BK, Qazaqstannyń tamaq jáne óńdeý ónerkásibi taýarlaryn óndirýshileri odaǵymen birlesip júrgizgen zertteýlerden keıin kelgen.