Jylqy alamyn dep 6 mln teńgesinen aıyryldy – ShQO

ÓSKEMEN. QazAqparat – Shyǵys Qazaqstan oblysy Zaısan qalasynda 20 jylqy satyp almaq bolǵan er adam alaıaqqa 6 mln teńgeden astam aqsha bergen, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, aýdandyq polıtsııa bólimine júgingen azamat alaıaqtyń qurbany bolǵanyn jetkizdi. 20 jylqy satyp almaq bolǵan ol beıtanys bireýge 6 200 000 teńge bergen.

«Jedel-izdestirý sharalaryn júrgizgen tártip saqshylary 28 jastaǵy kúdiktini ustady. Zaısan qalasynyń turǵyny óz kinásin moıyndap otyr. Qazirgi ýaqytta ol ýaqytsha ustaý ızolıatoryna qamaýǵa alynǵan», - dep habarlady vedomstvo ókilderi.

Polıtsııa qyzmetkerleri QR Qylmystyq Kodeksiniń 190-baby 3-bóliginiń 1-tarmaǵymen (Alaıaqtyq) sotqa deıingi tergeý amaldaryn bastady. Kúdikti jeti jylǵa deıingi merzimge bas bostandyǵynan aıyrylýy múmkin.