Jyldyq qýaty 500 myń tonna bolatyn polıpropılen óndirý zaýyty iske qosylady
«Munaı-gaz-hımııa salasyna qatysty, 2021 jyly Shymkent qalasynda qýaty 57 myń tonna oktan kóteretin qospalar óndirý zaýyty jáne qýaty 54 mln tekshe metr tehnıkalyq gaz jáne 34 mln tekshe metr qurǵaq syǵylǵan aýa shyǵaratyn qondyrǵy iske qosyldy. Osylaısha, eldegi munaı-gaz-hımııa maılaý materıaldary, polıpropılen, metıl-tret-býtıl efıri, oktan kóteretin qospalar, benzol jáne paraksılol ónimderimen usynylǵan. Bul rette, munaı-gaz-hımııa ónimderi ımportynyń úlesi áli de joǵary bolyp qalýda»,- dedi mınıstr.
Onyń aıtýynsha, bul máseleni sheshý maqsatynda bıyl qýaty jylyna 500 myń tonna polıpropılen óndirý zaýytyn iske qosý josparlanǵan. Osy jyldyń ózinde zaýyt shamamen 110 myń tonna polıpropılen shyǵarýdy josparlap otyr.
«Sondaı-aq mynadaı iri jobalar: qýaty jylyna 1 mln tonna tereftal qyshqyly men polıetılentereftalat óndirisi, qýaty jylyna 1,25 mln tonna polıetılen jáne qýaty jylyna 186 myń tonna býtadıen óndirisi iske asyrýdyń bastapqy kezeńinde. Joǵaryda atalǵan jobalar boıynsha búgingi tańda Sıbýr jáne Tatneft sııaqty strategııalyq seriktesteri anyqtaldy», - dedi Bolat Aqsholaqov.