Jyldyq ınflıatsııanyń tejelýi jalǵasyp keledi

  ASTANA. QazAqparat - Jyldyq ınflıatsııa baıaýlap keledi. Bul týraly búgin Úkimet otyrysynda QR Ulttyq ekonomıka birinshi vıtse-mınıstri Rýslan Dálenov málim etti, dep habarlaıdy QazAqparat.

«Ekonomıkanyń naqty sektorynda jaǵdaıdyń jaqsarýynyń nátıjesinde áleýmettik salada ońtaıly kórsetkishter oryn aldy. Jyldyq ınflıatsııanyń tejelýi jalǵasyp keledi. Atap aıtqanda, bıylǵy tamyz aıynda 7 paıyzdy qurap, nysanaly dálizdiń sheginde qalyptasýda. Eskere keter jaıt, aılyq ınflıatsııa ekinshi aı qatarynan 0,1 paıyzdy qurap otyr», - dedi ol 8 aıdaǵy áleýmettik-ekonomıkalyq damýdyń qorytyndysy boıynsha baıandamasynda.

Onyń sózine qaraǵanda, jumyssyzdyq deńgeıi 4,9 paıyz deńgeıinde saqtalyp keledi.

«Qazirgi kezde memlekettik organdar men ákimdikterge segiz aıda qalyptasqan ósimniń qarqynyn ustap turý basymdyqty maqsaty júktelip otyr. Sonymen qatar qurylys, aýyl sharýashylyǵyndaǵy jáne ónerkásiptiń bólek salalaryndaǵy ósimniń baıaýlaýy jaǵdaıyn túzetý qajettigi bar. Osyny eskere otyryp, údemeli ekonomıkalyq ósimdi jyl sońyna deıin saqtap turýdy boljap otyrmyz», - dedi vıtse-mınıstr.