Jyldar boıy jalǵan shot-faktýra jazýmen aınalysqan 3 almatylyq sottaldy

NUR-SULTAN. QazAqparat - Ekonomıkalyq qylmys jasaǵan azamattar 3 jylǵa deıin bas bostandyǵynan aıyryldy, dep habarlaıdy QazAqparat.

Qarjy monıtorıngi komıtetiniń Almaty qalasy boıynsha ekonomıkalyq tergeý departamenti jalǵan shot-faktýramen býhgalterlik qujattardy materıaldyq syıaqy úshin jasap kelgen azamattarǵa qatysty sotqa deıingi tergeý amaldaryn aıaqtady.

Tergeý kezinde anyqtalǵandaı, Almaty qalasynyń turǵyndary 2017-2019 jyldar aralyǵynda 7 JShS arqyly kommertsııalyq uıymdardyń salyqtan jaltarýyna kómektesý úshin JShS arasynda 6 mlrd teńgeden asa somaǵa saýda-sattyq bolǵan delingen jalǵan shot-faktýra jazǵan.

Atalǵan azamattardyń aldyn ala sóz baılasyp ekonomıka salasyndaǵy jasaǵan zańsyz is-áreketinen memleketke asa iri kólemde zalal kelgen.

Almaty qalasy Túrksib aýdandyq sotynyń úkimimen qylmysty jasaǵan 3 azamat QR QK 28-baby 3-bólimi, 29-baby 5-bólimi jáne 216-baby 3-bólimimen kináli dep tanylyp 2,6 jyldan 3 jylǵy deıin bas bostandyǵynan aıyryldy.

Sondaı-aq, sottyń úkimimen atalǵan azamat 10 jyl merzimge ekonomıkalyq qyzmet salasyndaǵy jetekshi laýazymdardy atqarý quqyǵynan aıyryldy.

Sotqa deıin úı qamaǵyndaǵy aıyptalýshy azamattar sot zalynda qamaýǵa alyndy.