Jyl sońyna deıin jumyssyzdyq qaı deńgeıge jetýi múmkin
Ortalyq kommýnıkatsııalar qyzmetindegi baspasóz máslıhatynda Eńbek jáne halyqty áleýmettik qorǵaý vıtse-mınıstri Serik Shapkenovke elimizdegi jumyssyzdyq deńgeıine qatysty suraq qoıyldy.
«Eńbek mınıstrliginde tıisti boljam bar, onda jyl sońyna deıin jumyssyzdyq deńgeıi 6,1 paıyz shamasynda bolady dep eskerilgen. Bizdiń boljamda ońtaıly jáne teris faktorlar qamtylyp otyr. Teris faktorǵa koronavırýs jaǵdaıyn aıtýǵa bolady», - dedi S. Shapkenov.
Sonymen qatar ol koronavırýs indetiniń jańa tolqyny bolýy múmkin degen eskertýler aıtylyp jatqanyn eske saldy.
«Jańa tolqyn bolsa jáne karantın sharalary jalǵassa, bul jaǵdaı teris áserin tıgizetini anyq. Al ońtaıly faktor retinde «Jumyspen qamtýdyń jol kartasy» óziniń nátıjesin berip jatqanyn atap ótkim keledi. Birinshi toqsanda jumyssyzdyq 4,8 paıyz bolsa, ekinshi toqsanda 5 paıyz deńgeıinde. «Eńbek» baǵdarlamasy men «Jumyspen qamtýdyń jol kartasy» jumyssyzdyq deńgeıin 5 paıyz shamasynda toqtatýǵa múmkindik berdi», - dedi vıtse-mınıstr.
«Bul baǵyttaǵy boljamdar jaǵdaıǵa baılanysty qaıta qaralýy múmkin. ıAǵnı, osy turǵyda jaqsy ári jaǵymsyz nátıje bolýy yqtımal. Sondyqtan atalǵan faktorlarǵa qaraı, jaǵdaıdy baǵalaýǵa bolady», -dedi S. Shapkenov.