Jyl sońyna deıin «Samuryq-Qazyna» UÁQ basqarýshy kompanııasynyń uıymdastyrýshy qurylymdary úlken ózgeristerge ushyraıdy - Ó. Shókeev

ASTANA. 25 qarasha. QazAqparat - «Samuryq-Qazyna» AQ Basqarma tóraǵasy Ómirzaq Shókeev Astanada ótken Qor kompanııalar tobynyń táýelsiz dırektorlarymen, top-menedjmentimen kezdesti. Bul týraly Qordyń baspasóz qyzmetinen habarlap otyr.

«Bizdiń 2014 jylǵy basty maqsatymyz tıimdi dırektorlar keńesin qurý bolyp tabylady. Bul bastama árdaıym bizdiń baqylaýymyzda bolady», - dep atap ótti Basqarma basshysy jınalys barysynda.

Sonymen qatar, Ó. Shókeevtyń aıtýynsha, keler jyly ınvestıtsııalyq jobalardy tıimdi iske asyrý, shyǵyndy ońtaılandyrý, damý strategııasy, qarjylyq esepti jetildirý, korporatıvtik basqarý men kadr saıasaty sııaqty máseleler de kún tártibinde bolmaq.

«2014 jyl ozyq jobalar men tabysty nátıjelerdiń jyly bolýy tıis», - dedi Ó. Shókeev.

Sondaı-aq, Basqarma tóraǵasynyń aıtýynsha, 2013 jyldyń sońyna deıin «QazMunaıGaz» UK» AQ men «Samuryq-Qazyna» UÁQ» AQ ortalyq apparattarynyń uıymdastyrýshy qurylymdary úlken ózgeristerge ushyraıdy. «Qazir «QazMunaıGazda» úlken uıymdastyrýshylyq-qurylymdyq ózgerister bolyp jatyr. Kompanııanyń qurylymy tolyqtaı ózgerýde. Basqarýshy dırektorlardyń bútindeı bir býyny ketip jatyr. Enshiles kompanııalardyń basshylary bas kompanııanyń basqarma músheleri bolýda. Bizdiń ujymdyq ortalyqta da jýyrda osyndaı ózgerister bolady», - dep atap ótti Ó. Shókeev.

Onyń aıtýynsha, bul ózgerister jańa jylǵa deıin oryn alady. «Árıne, qysqartýlar bolady. Keıbir qyzmetter, jáne keıbir basy artyq qurylymdar ońtaılandyrylady», - dep túıindedi Ó. Shókeev.