Jyl sońyna deıin kolledj stýdentteri úshin 13 jataqhana ashylady

ASTANA. QazAqparat - Qazaqstanda jańa oqý jylynda kolledj stýdentteri úshin 2,5 myń oryndyq 13 jataqhana ashý josparlanyp otyr.

Onyń ishinde 960 oryndyq 4 jataqhana jańa oqý jyly bastalǵanǵa deıin paıdalanýǵa berildi. Bul jaıynda QR Úkimet otyrysynda QR Oqý-aǵartý mınıstri baıandady, dep habarlaıdy QazAqparat.

Jańa jataqhanalar Taldyqorǵan mýzyka kolledjinde, Aqtaý tehnologııalyq qyzmet kórsetý kolledjinde, Almaty qurylys-montaj kolledji men Almaty sán jáne dızaın kolledjinde ashyldy.

Osy jyldyń aıaǵyna deıin Shymkent, Aqmola, Jetisý, Shyǵys Qazaqstan, Túrkistan, Qyzylorda jáne Jambyl oblystarynda qalǵan 1512 oryndyq 9 jataqhanany ashý kózdelýde. Bul sharalardyń barlyǵy tehnıkalyq jáne kásibı bilimniń qol jetimdiligi men sapasyn arttyrýǵa, kolledj stýdentteriniń jataqhanada turý jaǵdaıyn jaqsartýǵa baǵyttalyp otyr.

Atap óterligi, búginde el boıynsha kolledj stýdentteriniń 85 paıyzy jataqhanamen qamtamasyz etilgen.