Jyl sońyna deıin Qazaqstanda búkil sot zaldary beıne jazý júıesimen qamtylady - M.Beketaev

ASTANA. QazAqparat - Sot isin ashyq ótkizý maqsatynda sot zaldarynda sot protsesterin beıne jəne taspaǵa jazýǵa múmkindik beretin jańa júıemen jabdyqtaý jumysy jalǵasýda. Qazir osyndaı júıemen 1 050 zal nemese barlyq zaldardyń 75 paıyzy jabdyqtalǵan. Bul jumys jyl sońyna deıin aıaqtalady. Bul týraly búgin QR Prezıdenti janyndaǵy Ortalyq kommýnıkatsııalar qyzmeti alańynda ótip jatqan Jańǵyrtý jónindegi ulttyq komıssııa músheleriniń baspasóz máslıhatynda QR Prezıdent Əkimshiligi jetekshisiniń orynbasary Marat Beketaev məlim etti.

Esterińizge sala keteıik, QR Premer-mınıstriniń orynbasary Darıǵa Nazarbaevanyń qatysýymen ótip jatqan baspasóz máslıhatynyń taqyryby - «100 naqty qadam» Ult josparyn is júzine asyrý».

«Zańnyń ústemdigin qamtamasyz etý baǵyty boıynsha reformalardy iske asyrý týraly baıandaýǵa ruqsat etińizder. Jyl basynan sot organdary bes satyly júıeden úsh satyly júıege kóshti. Sot tóreligine qoljetimdilikti jeńildetýmen qosa, bul - isterdi sotta qaraý merzimderin azaıtýǵa múmkindik beredi.

Sot baqylaýyn kúsheıtý jəne azamattardyń quqyqtaryn qosymsha qorǵaý maqsatynda sotqa tórt tergeý qyzmetine sanktsııa berý ýəkilettilikteri berildi.

Bul - qarap tekserý, tintý, alý jəne jeke basyn tintý. Jyl basynan beri bular boıynsha sotqa 4 715 materıal túsken.

Sot isin ashyq ótkizý maqsatynda sot məjilis zaldarynda sot protsesterin beıne jəne taspaǵa jazýǵa múmkindik beretin jańa júıemen jabdyqtaý jumysy jalǵasýda. Qazir osyndaı júıemen 1 050 zal nemese barlyq zaldardyń 75 paıyzy jabdyqtalǵan. Bul jumys jyl sońyna deıin aıaqtalady»,-dep habarlady M.Beketaev.