Jyl sońyna deıin Qazaqstan ındýstrııasy qyzyl aımaqtan shyǵady

ASTANA. QazAqparat - Búgin Úkimettiń selektorlyq rejimdegi otyrysynda el Premer-Mınıstri Baqytjan Saǵyntaev Qazaqstannyń ındýstrıaldy-ınnovatsııalyq damý  memlekettik baǵdarlamasynyń negizgi ındıkatorlaryndaǵy jetistikterge qatysty pikir bildirdi, dep habarlaıdy QazAqparat.

«Baǵdarlamanyń negizgi ındıkatorlary tolyqtaı alǵanda elimiz boıynsha artyǵymen oryndalýda. Degenmen, kesteden kórgenimizdeı, ásirese negizgi kapıtalǵa salynǵan ınvestıtsııa boıynsha arta qalyp kele jatqan óńirler de bar. Búgin sóz sóılegenderden bólek Batys Qazaqstan, Qyzylorda, Pavlodar oblystary men Astana keıin qalyp otyr. Bul óńirlerdegi jumystar durystalyp, jyldyń sońynda biz qyzyl aımaqtan shyǵamyz jáne oń nátıjege qol jetkizemiz. birqatar saladaǵy jańa eksporttar boıynsha da jaǵdaı túzeledi dep oılaımyn», - dedi Baqytjan Saǵyntaev. 

Aıta keterligi , otyrysta negizgi baıandama jasaǵan QR Investıtsııalar jáne damý mınıstri Jeńis Qasymbektiń  aıtýynsha, bıyl 9 aıda ónerkásiptik óndiristiń kólemi ótken jyldyń sáıkes kezeńimen salystyrǵanda 5,7 paıyzǵa ósip, 6,5 trln teńgeni qurady. Memlekettik baǵdarlamalardyń negizgi ındıkatorlary boıynsha da oń dınamıka bar. Bıylǵy 8 aıdyń qorytyndysy boıynsha óńdeýshi ónerkásiptiń eksporty ótken jyldyń sáıkes kezeńimen salystyrǵan 23,1 paıyzǵa ósip, 9,9 mlrd AQSh dollaryn qurap otyr.