Jyl sońyna deıin azamattardyń tsıfrlyq «áleýmettik ámııany» engiziledi

NUR-SULTAN. QazAqparat – Osy jyldyń sońyna deıin azamattardyń tsıfrlyq «áleýmettik ámııany» ilki joba retinde engiziledi. Bul týraly QR Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.

«Saýda salasyn tsıfrlandyrý jumysy júrgizilip jatyr. Shaǵyn jáne orta bızneske elektrondy saýdany damytýǵa tegin qoldaý jáne kómek kórsetý úshin SmartDuken.kz tuǵyrnamasy iske qosylady», - dedi mınıstr Senatta ótken Úkimet saǵatynda.

Onyń atap ótýinshe, Saýda jónindegi saraptamalyq platforma jáne Ulttyq taýarlar tizimin qurý baǵytynda jumys qarqyndy júrgizilip jatyr. Bul jobalar jyldyń sońyna deıin iske qosylmaq.

«Azamattardyń tsırflyq «áleýmettik ámııany» engiziledi. Ol azamattarǵa áleýmettik kómek kórsetý tetigin jetildirýge jáne banktik komıssııalarǵa arnalǵan bıýdjet shyǵystaryn ońtaılandyrýǵa múmkindik beredi. 2021 jyldyń sońyna deıin ilki joba Nur-Sultan men Pavlodar qalalarynda iske qosylatyn bolady , - dedi Baqyt Sultanov.