Jyl sońyna deıin alqaptardy tsıfrlandyrý talaptary alynady - AShM

ASTANA. QazAqparat - Aýyl sharýashylyǵy mınıstrligine Almaty, Jetisý, Jambyl, Qyzylorda jáne Túrkistan oblystary fermerlerinen arzandatylǵan tyńaıtqyshtardy alý múmkindiginiń joqtyǵy týraly kóptegen ótinishter túsip jatyr, dep habarlaıdy QazAqparat.

Vedomstvonyń málimetinshe, olar munyń sebebin fermerlerge gosagro.kz portalynda ótinish berýge múmkindik bermeıtin egistik kartasy men agrohımııalyq kartogrammanyń bolýymen baılanysty dep túsindiredi.

Aıta keteıik, buryn Qoldau júıesinde fermerler egistikterdi ózderi engizgen derekter negizinde tsıfrlandyrǵan bolatyn, ári derekterdiń durystyǵy tekserilmedi jáne qandaı da bir formatty-logıstıkalyq baqylaý bolmady.

Qazir gosagro.kz portalynda sýbsıdııalardy alý úshin jerdiń ǵaryshtyq monıtorınginiń derekteri negizge alynady. Bul rette fermer aýyspaly egisti jáne onyń egistikteriniń shekaralaryn anyqtaǵan kezde parametrlerdi qolmen engizý, ıaǵnı kózben belgileý múmkindigi alynyp tastalady. Sonymen qatar, derekter ýchaskeler boıynsha sáıkes kelmegen jaǵdaıda, olar «Qazaqstan Ǵarysh Sapary»UK«AQ-da túzetilýi múmkin.

Gosagro.kz portalynda ornalastyrylǵan derekterge sáıkes, joǵaryda atalǵan bes oblystyń fermerleri 23,5 mlrd teńgege tyńaıtqyshtardy satyp alýdy sýbsıdııalaýǵa 837 ótinim berdi, onyń ishinde 350 ótinimdi tıisti óńirlerdiń Aýyl sharýashylyǵy basqarmalary qabyldamady, 47 ótinim maquldandy.

Ákimdikterdiń aqparaty boıynsha memlekettik qoldaýdan bas tartýdyń negizgi sebebi ósimdik sharýashylyǵy óniminiń ónimdiligi men sapasyn arttyrý boıynsha bekitilgen sýbsıdııalaý qaǵıdalaryna sáıkes 2023 jylǵy 1 qańtarda kúshine engen agrohımııalyq kartogrammalardyń bolmaýy bolyp tabylady. 2023 jyldyń 1 qańtaryna deıin agrohımııalyq kartogrammalar boıynsha talaptar bolǵan joq.

Sonymen qatar, atalǵan máseleni sheshý úshin AShM joǵaryda atalǵan erejelerge túzetýler engizdi. Osylaısha, agrohımııalyq kartogrammalardy qoldaný talaby alynyp tastalady. 2023 jylǵy 24 sáýirde osy túzetýler kúshine enedi.

Sondaı-aq, 2023 jyldyń 31 jeltoqsanyna deıin»Qazaqstan Ǵarysh Sapary «UK» AQ arqyly óristerdi tsıfrlandyrý boıynsha keıinge qaldyrý engizilip jatyr. Alaıda, belgilengen merzimge deıin fermerler osy egistikterdi quqyq belgileıtin qujattarǵa sáıkes mindetti túrde túzetýi kerek. Tıisti kesteni AShM «Qazaqstan Ǵarysh Sapary»UK«AQ-men birlesip bekitetin bolady.