Jyl sońyna deıin 89 mln tonna munaı óndiriledi

NUR-SULTAN. QazAqparat - QR Energetıka mınıstri Qanat Bozymbaev el aldynda selektorlyq rejımde esep berip jatyr, dep habarlaıdy QazAqparat tilshisi.

Mınıstrdiń aıtýynsha, bıyl Qazaqstan 90 mln tonnaǵa jýyq munaı óndirmek.

«Aǵymdaǵy jyldyń 5 aıy ishinde 36,5 mln tonna munaı óndirildi. ıAǵnı, jospar 101% oryndaldy. Úsh iri joba boıynsha 21,7 mln tonna munaı óndirildi. Qashaǵanda - 4,24 mln tonna, Teńizde - 12,48 mln tonna Qarashyǵanaqta - 4,97 mln tonna óndirildi. Bıyl munaı óndirý kólemi 89 mln tonna bolady», - deıdi Qanat Bozymbaev «QazMedıa» ortalyǵynda.

Energetıka mınıstri Qashaǵandaǵy jóndeý jumystary munaı óndirý boıynsha rekordtyq kórsetkishke qol jetkizýge múmkindik bergenin aıtady.

«Qashaǵanda jóndeý jumystary merziminen 10 kún buryn aıaqtaldy. Aǵymdaǵy jyldyń 14 sáýir men 19 mamyr aralyǵynda óndiris tolyq toqtatylǵan bolatyn. Teńiz jáne jerústi qurylystarynda tehnıkalyq jumystar júrgizildi. Jóndeý aıaqtalǵan soń óndirý kólemi táýligine 400 myń barrelge jetti. Bul - rekordty kórsetkish. Negizi bul mejege jyldyń sońynda jetemiz dep joparlaǵan bolatynbyz», - dedi ol.