Jyl sońyna deıin 24 joǵary oqý orny tekseriledi – Aımaǵambetov
«Dıplom basyp shyǵaratyn ýnıversıtetter qatań sharalar qoldaný týraly Memleket basshysynyń tapsyrmasy bar. Biz osy tapsyrmanyń aıasynda qazirdiń ózinde 5 joǵary oqý ornyn azaıttyq. Onda 35 myń stýdent bilim alǵan. 23 joǵary oqý orny 56 baǵyt boıynsha lıtsenzııasyn qaıtardy»,- dedi mınıstr Úkimet úıinde ótken baspasóz máslıhatynda.
Onyń atap ótýinshe, bul jumystar aldaǵy ýaqytta da jalǵasyn tabady.
«Jyl sońyna deıin 24 joǵary oqý ornyn tekserip, tıisti shara qoldanamyz. Talaptardy kúsheıttik. Tekseris júrgizilip jatyr», - dedi Ashat Aımaǵambetov.
Sonymen qatar ol Memleket basshysy tarapynan ǵylym salasyna da qatysty mańyzdy tapsyrmalar bolǵanyn aıtty.
«Aıtalyq, ǵylymı-tehnologııalyq damytý boıynsha arnaıy baǵdarlamalyq qujat qabyldaý kópten beri ǵalymdarymyzdyń kókeıinde júrgen máseleniń biri bolatyn. Bul másele de sheshimin tabady. Ony barlyq sarapshylarmen, ǵalymdarmen birlesip sheshetin bolamyz. 500 ǵalymǵa taǵlymdamadan ótýge múmkindik jasap, 1 myń jas ǵalymǵa zertteý júrgizýge granttar beremiz», - dedi ol.