Jyl sońyna deıin 2 mln sharshy metr áleýmettik turǵyn úı salynady
«Memlekettik ınvestıtsııalar aıasynda jyl sońyna deıin 2 mln sharshy metr áleýmettik turǵyn úıdi paıdalanýǵa berý josparlanyp otyr. 40 myńnan astam otbasy memlekettik qoldaýmen qamtylady. Onyń ishinde 25 myńnan astamy qol jetimdi nesıelik turǵyn úı berý arqyly, 6 myń jeńildetilgen nesıe arqyly jáne 10 myńnan astam otbasy áleýmettik jaldamaly turǵyn úımen qamtamasyz etiledi», - Marhabat Jaıymbetov.
Al atalǵan mınıstrlik málimetinshe, ákimdikterde kezekte turǵan áleýmettik osal sanattar úshin 1 882 jalǵa beriletin páterler (nemese 95 myń sharshy metr) paıdalanýǵa berildi. Jyl sońyna deıin bul kórsetkishti 4 142 páterge deıin jetkizý josparlanǵan.
«2019 jyly «Nur Otan» partııasynyń HVІІІ sezinde berilgen Elbasy tapsyrmasy aıasynda az qamtylǵan kóp balaly otbasylardy turǵyn úımen qamtamasyz etý jalǵasýda. Osy jyldyń 11 aıynyń qorytyndysy boıynsha 1 664 páter salyndy jáne satyp aldy. Jalpy, jyl sońyna deıin 5 288 otbasyn baspanamen qamtamasyz etý kózdeledi. Sonymen qatar, túrli qarjylandyrý kózderin tartýdyń arqasynda taǵy 3 868 kópbalaly otbasy baspanaly boldy», - dep atap ótedi Indýstrııa jáne ınfraqurylymdyq damý mınıstrliginen.
Aıta keterligi, statıstıka málimetterge sáıkes 2020 jyldyń 11 aıynda 12,1 mıllıon sharshy metr turǵyn úı paıdalanýǵa berildi. Bul 2019 jyldyń sáıkes kezeńimen salystyrǵanda 9,3 paıyzǵa artyq. Jyl qorytyndysynda barlyq qarjylandyrý kózderinen biryńǵaı turǵyn úı saıasatyn júzege asyrý mindeti aıasynda 15 mıllıon sharshy metr turǵyn úıdi paıdalanýǵa berilmek. Bastapqy jospar boıynsha bıyl 14,1 mıllıon sharshy metr salý josparlanǵan bolatyn.
Sonymen qatar, turǵyn úılerdi ýaqytynda paıdalanýǵa berý úshin qurylys alańdaryna qajetti ınjenerlik kommýnıkatsııalardy jetkizýdi qamtamasyz etý maqsatynda 71,8 mlrd teńgege 305 joba iske asyrylyp jatyr.