Jyl sońyna deıin 13 jańa juqpaly aýrýlar aýrýhanasy salynady - Prezıdent

NUR-SULTAN. QazAqparat – Memleket basshysy Qasym-Jomart Toqaev medıtsınalyq ınfraqurylymdy damytý jumysy jaıly baıandady, dep habarlaıdy QazAqparat.

«Taǵy bir másele – medıtsınalyq ınfraqurylymdy damytý. Jyl sońyna deıin el aýmaǵynda 13 jańa juqpaly aýrýlar aýrýhanasy salynady. Al 2025 jylǵa qaraı densaýlyq saqtaý salasyna arnalǵan 20 zamanaýı kópsalaly nysan paıdalanýǵa beriledi. Bul osy maqsatqa oraı 1,5 trln teńgege jýyq ınvestıtsııa tartylady degen sóz» dep atap ótti Memleket basshysy Joldaý barysynda.

Onyń aıtýynsha, Elbasynyń bastamasymen Nur-Sultan jáne Almaty qalalarynda eki kópsalaly medıtsınalyq ortalyq salynady.

«Bul ortalyqtar elimizdiń betkeustar mekemelerine aınalyp, ınnovatsııalyq ósimge jáne qoldanbaly medıtsınanyń damýyna tyń serpin beredi», - dedi Q. Toqaev.