Jyl saıyn jalaqy kóterilýde – Erulan Jamaýbaev

ASTANA. QazAqparat – QR Premer-Mınıstriniń orynbasary – Qarjy mınıstri Erulan Jamaýbaev Úkimet kýlýarynda jańa jyldan keıin qandaı memlekettik qyzmetkerlerdiń aılyǵy óskenin túsindirdi, dep habarlaıdy QazAqparat tilshisi.

«Jyl basynda bıýdjettik sala qyzmetkerleriniń aılyǵy ınflıatsııaǵa saı ındekstelgeni aıtyldy. Sizdiń aılyǵyńyz ındeksteldi me? Burynǵydan kóp ala bastadyńyz ba», - dep surady BAQ ókili Qarjy mınıstrinen.

Vedomstvo basshysy saıası memlekettik qyzmetkerlerdiń aılyǵyn ósirýge moratorıı jarııalanǵanyn eske saldy.

«Jeke meniń aılyǵym ındekstelgen joq. Óıtkeni Prezıdenttiń sheshimi bolǵan. Bizda saıası memlekettik qyzmetkerlerdiń eńbekaqysyn kóterýge moratorıı jarııalanǵan. Sondyqtan meniń eńbekaqym 2022 jylǵy deńgeıde qaldy. Biraq ákimshilik memlekettik qyzmetkerler týraly aıtsaq, olar faktorlyq baldyq shkalaǵa kóshkeni esterińizde bolar. Jyl saıyn sol shkala boıynsha aılyqtar kóterilip jatyr. Ol jerde aılyqtyń ósýi ınflıatsııadan joǵary bolatyn shyǵar. Indekstelýge tıis tólemderdiń bári talaptarǵa saı júrgiziledi. Zańda ol qarastyrylǵan», - dedi Erulan Jamaýbaev.