Jyl saıyn elimizdiń 500 ǵalymy álemniń jetekshi ortalyǵynda taǵylymdamadan ótpek

ASTANA. QazAqparat – Jyl saıyn 500 qazaqstandyq ǵalymdy álemniń jetekshi ortalyqtaryna taǵylymdamadan ótýge jiberý qajet. Bul usynys «Ashyq» NQA portalynda jarııalanǵan «Ǵylym jáne tehnologııalyq saıasat týraly» QR Zańynyń jobasyna aıtylǵan, dep habarlaıdy QazAqparat tilshisi.

«Jas kadrlardyń ǵylymǵa kelýin yntalandyrý úshin jyl saıyn álemniń jetekshi ǵylymı ortalyqtaryna 500 qazaqstandyq ǵalymdy taǵylymdamadan ótýge jiberý usynylady. Olardy akademııalyq jazýǵa, aǵylshyn tiline, tsıfrlyq daǵdylarǵa, ǵylymı ótinimderdi ázirleýge jáne basqa da qajetti quzyretter men daǵdylarǵa úıretý, shetelde jumys isteıtin qazaqstandyqtardy ǵylymı uıymdarǵa tartý qajet. Ǵylymı uıymdarǵa jas kadrlardyń kelýin arttyrý maqsatynda «Jas ǵalym» jobasy men ǵylymı uıymdardy ıntegratsııalaý arqyly magıstrler men fılosofııa doktorlaryn (PhD) daıarlaý jalǵasady», - dep kórsetilgen konsýltatıvtik qujatta.

Ǵylym jáne joǵary bilim mınıstrliginiń dereginshe, bul rette tehnıkalyq mamandyqtar granttar sany ulǵaıady. Buǵan qosa, jas ǵalymdar qatarynan ǵylym menedjerleriniń kadrlyq rezervi qurylady.