Jyl saıyn elimizde jem-shóp qajetti normadan 2 ese az daıyndalady - mınıstr
10:50, 17 Mamyr 2022
NUR-SULTAN. QazAqparat – Mal sharýashylyǵyn tıimdi damytý úshin tıisti jem-shóp bazasy qajet. Bul týraly búgin Úkimet otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.
«Mal sharýashylyǵyn tıimdi damytý úshin tıisti jem-shóp bazasy qajet. Jyl saıyn elimizde jem-shóp qajetti zootehnıkalyq normadan 2 ese az daıyndalady. Jem jetpegen soń, onyń baǵasy da qymbattaı beredi», - dedi Álıhan Smaıylov.
Sondaı-aq Úkimet basshysy qurǵaqshylyq nemese jaıylymdardyń tozýy sııaqty tabıǵı-klımattyq jaǵdaılardy da eskerý kerektigin basa aıtty.
«Osyǵan oraı Aýyl sharýashylyǵy mınıstrligi ákimdiktermen birlesip, jem-shóp daqyldarynyń egis alqaptaryn kóbeıtip, shalǵaıdaǵy jaıylymdardyń ınfraqurylymyn jańǵyrtýy qajet. Bul jumystardy qarjylandyrýǵa basymdyq berý kerek», - dedi Álıhan Smaıylov.